АИШ-ы паддзахадон департамент Сауды Аравийы, АИШ-ы æмæ Уæрæсейы делегациты æхсæн ныхасы фæдыл официалон информаци парахат кæны.
«Президент Трампы фæнды марындзинæдтæ бауромын; АИШ-ы фæнды сабырад æмæ йæ тыхæй пайда кæны дунейы бæстæты баиу кæнынæн. Президент Трамп у дунейы иунæг лидер, кæцыйæн йæ бон у Украинæ æмæ Уæрæсейы тыхæй сразы кæнын ацы хъуыддагыл.
Сразы стæм:
Сфидар кæнын консультативон механизм, цæмæй æрбæстон кæнæм нæ дыууæфарсон ахастыты æнæразыдзинад, цæмæй нæ бон уа æнæмæнгхъæуæг къахдзæфтæ саразын, цæмæй сног кæнæм нæ æмбæлон дипломатон мисситы нормалон куыст.
Снысан кæнæм æмбæлон бæрзонд æмвæзады къордтæ, цæмæй райдайой кусын Украинæйы конфликтæн куыд гæнæн ис афтæ тагъддæр кæрон скæныны фæндагыл, æнæфæцудгæ, æнæмæнгхъæуæг æмæ æппæт фарсытæн дæр райсинаг.
Бацæттæ кæнын бындур фидæны æмгуыстадæн кæрæдзийы геополитикон интересты фарстыты æмæ историон экономикон æмæ инвестицион фадæтты фæдыл, кæцытæ равзæрдзысты Украинæйы конфликты æнтыстджын кæронæй.
Абоны фембæлдты фарсытæ дзырд дæттынц, цæмæй баззайдзысты æмгуыстæй, цæмæй процесс рæстæгыл æмæ продуктивонæй ацæуа.
Иу телефоны ныхас ӕмӕ иу фембӕлд фаг не сты, цӕмӕй ӕнусон сабырдзинад сфидар уа. Хъуамæ архайæм æмæ абон сарæзтам нысаниуæгджын къахдзæф размæ», – ис фыст паддзахадон департаменты фидиуæны.