Официалонæй – Мераб Двалишвили фембæлдзæн Шон О’Маллиимæ UFC-йы чемпионаты  #1TVSPORT

Гуырдзиаг тохгæнæг Мераб Двалишвили йæ фыццаг чемпионон тох UFC-йы 14-æм сентябры ауадздзæн, – уый фæдыл организацийы президент Дана Уайт расидтис.

Уайты ныхæстæм гæсгæ, Мераб Двалишвили Лас-Вегасы, уникалон «Сферойы» аренæйыл фембæлдзæн ныры супер рог уæзы чемпион Шон О’Маллиимæ.

33-аздзыд Двалишвилийæн UFC-йы 10 тохы фæуæлахиз ис. Фæстаг æртæ тохы уый рамбылдта организацийы æртæ раздæры чемпионы — Хосе Альдо, Пётр Ян æмæ Генри Сехудойы.

О’Маллийы тыххæй та, 29-аздзыд америкаг спортсмен 2023 азы 19 августы рамбылдта супер-рог уæзы чемпионаты рон, Алджамайн Стерлингы фæуæлахизы фæстæ, æмæ йæ бахъахъхъæдта ацы азы мартъийы Марлон Верайы ныхмæ.

Уый фæстиуæгæн, Мераб Двалишвилийæн ис шанс суа дыккаг гуырдзиаг тохгæнæг, кæцы ММА-йы сеппæтæй престижон организаци UFC-йы чемпионы титул рамбулдзæн. Уæ зæрдыл уын æрлæууын кæндзыстæм, февралы Илья Топурия ссис бантам уæзы чемпион