Хвича Кварацхелия у «Пари Сен-Жермены» хъазæг. Гуырдзиаг Францаг клубимæ фондзазон контракт бафыста.

«Наполи» Кварацхелиайы трансферы тыххæй 70 милуан евро райста, æфтауцæй та 10 милуан евро бонус. Хъусынгæнинæгтæм гæсгæ, Гуырдзыстоны иугонд командæйы лидертæй иу сезонæй 11 милуан евро бакусдзæн.

Хвича «Динамо Батум»-æй «Наполимæ» 2022 азы ацыд. 33 азы фæстæ «Наполи» Кварацхелиимæ иумæ Италийы чемпионат рамбылдта, Хвича та йæхæдæг 2022/23 азы сезоны Серия А-йы хуыздæр хъазæгæй нымад æрцыд. Уыцы сезоны ма нымад æрцыд Чемпионты лигæйы хуыздæр æрыгон хъазæгыл.

Кварацхелиа «Наполийы» сконды алы ерысты 107 матчы ахъазыд, 30 голы бакъуырдта æмæ 29 ассист сарæзта.