2026 азы июнæй Тбилисимæ комкоммæ рейстæй баст уыдзæн æндæр Европæйы сæйраг сахар Копенгаген (Данияйы Паддзахад). Ног уæлдæфон маршрутыл рейстæ æххæст кæндзæн Norwegian Air Sweden, зындгонд скандинавиаг аслам авиакомпани Norwegian-ы дæлхайад. Уый тыххæй хъусын кæны экономикæйы министрад.

Минитсрады информацийæ, æмбæстагон авиацийы агентадмæ бавдыст куырдиатмæ гæсгæ, 27-æм июнæй Тбилис æмæ Копенгагены æхсæн комкоммæ рейстæ къуыри дыууæ хатт – алы майрæмбоны æмæ сабаты, 15-æм августæй та – алы майрæмбоны æмæ хуыцаубоны сырæздзæн.

Гуырдзыстоны экономикæйы æмæ æнæфæцудгæ размæцыды министрады æмбæстагон авиацийы агентад авиакомпанийæн рейсты æххæст кæнынæн æнæмæнгхъæугæ барлæвæрд 23-æм марты ратта.

Экономикайы министрады информацимæ гæсгæ, Копенгаген-Тбилис-Копенгагены маршруты бафтауын фæбæрзонддæр кæндзæн Гуырдзыстоны бастдзинад Скандинаваг бæстæтимæ æмæ ахъаз кæндзæн Цæгат Европæйæ бæстæмæ туристты æрбацыд фæбæрзонддæр кæнынæн. Уымæй дарддæр ма, Копенгагены аэропорт у иуæй-иу сеппæтæй стырдæр транзитон центр Европæйы регионы, кæцы гуырдзиаг бæлццæттæн ратдзæн уæлæмхас фадæттæ Копенгагены уылты æндæр европæйаг кæнæ америкаг нысаниуæгджын бынæттæм ацæуынæн.