Сæйраг сахары мэр Каха Къаладзейы ныхасмæ гæсгæ, «Ног азы хъæу» 21-æм декабры байгом уыдзæн æмæ 7-æм январы онг кусдзæн. Уый фæдыл Тбилисы муниципалитеты хицауады рабадтыл расидтис.
Каха Къаладзейы расидæнмæ гæсгæ, 21-æм декабрæй Орбелианийы фæзыл, Мады цæхæрадоны æмæ Юстицийы хæдзары лæууæн бынатыл «Ног азы хъæу» байгом уыдзæн, цы ран бирæ мадзæлттæ сырæздзæн.
«Ног азы фæзуæттæ байдзаг уыдзысты цымыдисон равдыстытæй, культурон, спортивон, сывæллæтты, алыгъуызон тематикон мадзæлттæй æмæ æндæр æмæ æндæр жанрты концерттæй. Уыдзæн дзы декорацитæ/инсталляцитæ, Ногбоны бæлæстæ, сывæллæтты равдыстыты павильонтæ, фæлладуадзæн бынæттæ, Ног азы поезд, Сантайы хæдзар æмæ æрмадз, цыран сывæллæттæ фембæлдзысты Митын дыккаг планы актертимæ, афтæ ма гом арвы бын кинотеатр Ног азы программæимæ ; Арæзт æрцæудзæн хиирхæфсæн парк, ихыл ленк кæныны фæз, кæцы фаронимæ абаргæйæ у цыппар хатты стырдæр. Уыдзæн дзы алы жанрты концерттæ, театралон равдыстытæ. Пълангонд сты алыгъуызон культурон, спортивон, сывæллæтты хиирхæфсæн мадзæлттæ, аргъæутты фæлгонцты цыд. Мадзæлтты фæлгæтты сырæздзæн конфетты фестиваль, Тбилисы Ногбоны базар, кæцыйы фæлгæтты уагъд æрцæудзæн къухæй конд дзаумæтты равдыст æмæ уæй кæнын», -расидтис Каха Къаладзе.