Ног азы бæрæгбонмæ гæсгæ расидтгонд æхсæнадон улæфтыты фæдыл лæггæдты агентад æмæ Патрулон полицийы департаменты иугонд лæггæдты центр нæ кусдзысты – уый фæдыл информацийы хъусын кæны Гуырдзыстоны мидхъуыддæгты министрад.

«Ног азы бæрæгбонмæ гæсгæ расидт улæфты бонты фæдыл уын хъусын кæндзыстæм, цæмæй 1-12 январы нæ кусдзысты лæггæдты агентад, афтæ дæр патрулон пъæлицæйы хайады иугонд лæггæдты центртæ æмæ информацион колл-центр , 2025 азы, æмæ 13-æм январæй фæстæмæ куыстытæ сног уыдзысты куыд æмбæлы, афтæ.

Уыцы адæймæгтæн, кæцытæн 2025 азы 1 январæй 2025 азы 12 январмæ райсинаг шофыры фæлварæны фыццаг этап (быдырон) раттын бахъуыд, лæвæрд æрцæудзæн 2025 азы 13 январæй нысангонд бонтæй спайда кæныны фадат.

Кандидаттæн сæ бон уыдзæн 2025 азы 13 январæй машинæ скъæрыны бар райсыны фæдыл практикон фæлварæны дыккаг къæпхæн (горæт) раттын. Уыцы адæймæгтæн, кæцытæ æвæрдтой/бафæдзæхстой сæ хæдтулгæйы номыртæ æмæ æвæрды/бафæдзæхсты рæстæг фæуыдзæн нысангонд æмгъуыдмæ, æмгъуыд адарддæр уыдзæн 13 январы онг.

Уыцы адæймæгтæ, кæцытæ 2024 азы 30-31 декабры бадæттой сертификаты тыххæй æмæ афтæдæр æркуырдтой сертификаты тæлмац/бæлвырдгæнæн, тагъд лæггады курдиатæй уæлдай, цæттæгонд документ райсдзысты 13 январæй.

Уыцы адæймæгтæ, кæцытæн 2025 азы 1-æм январæй 12-æм январы онг хæдтулгæйы таможнæйы æрцæуыны фæстаг бон уыдзæн, æфхæрд нæ цæудзысты æмæ 13 январ уыдзæн таможнæйы æрцæуыны æмгъуыд.

Ам уын хъусын кæндзыстæм, цæмæй кæд æмæ патрулон пъæлицæйы æрдыгæй снысангонд административон иварыл апелляцийы фæстаг бон улæфæн бонимæ æмбæлы, уæд æмбæстагæн фадат уыдзæн фæстаг бæрæгбоны иннæ (фыццаг) кусгæ боны бахъаст кæнынæн». , – банысангонд у мидхъуыдтæгты министрады информацийы.

Гуырдзыстоны хицауады уынаффæмæ гæсгæ, 2025 азы 3-æм январæй, 6-æм январæй, 8-æм январæй 10-æм январмæ 2025-æм азы улæфæн бонтæ снысан кодтой, генералон административон кодексæй снысангонд административон органты кусджытæн. Æмбæлон уынаффæ Гуырдзыстоны премьер-министр Ираклий Къобахидзе 24-æм декабры бафыста.