Америкаг рауагъд «Нью-Йорк Таймс»-ы информацийæ, Гуырдзыстон, конкретонæй Кутаис, иуæй-иу уыцы бынат у, кæцымæ туризмы энтузиаст 2025 азы хъуамæ бабæрæг кæна.

«Кутаис, дунейы рагондæр горæттæй иу, хъæздыг историйæ йедзаг у æмæ Гуырдзыстоны æрдзон рæсугъддзинадæй йæ алыварс. Фæстаг азты горæт сси тынгдæр æлвасæг бæлццæттæн, уымæн æмæ аслам авиакомпанитæ райдыдтой дæттын комкоммæ рейстæ Европæйæ æмæ дæсгай æндæр горæттæй», — фыст ис статья «Нью-Йорк Таймс»-ы.

Рауагъд куыд фыссы афтæмæй,  ацы азы райдайæны Кутаисы ног нымæцон интерактивон музей байгом уыдзæн, кæцы раздæры паддзахы резиденцийы уыдзæн æмæ горæты 3500 азон истори рахицæн кæндзæн.

«Ног культурон центры уагъд æрцæудзысты æхсæнадон изæртæ гуырдзиаг традицион кæфтытæ æмæ бирæхъæлæсон зарджытæй». Кутаис ма у идеалон бынат Кавказы хæхтæ æмæ Сау денджызы былгæрон, йæ лæгæттæ, галуантæ æмæ хъæутæ раиртасынæн. Фæлæ туристтæн сæ бон у æнцонæй баззайын горæты æмæ басгарын йæ историон центр, уыцы нымæцы зындгонд «Зелёный базар», кафетæ, бартæ, ресторантæ, зæронд аргъуантæ», – фыссы æрмæджы автор.