Æддаг ахастыты комитеты сæрдар Николоз Самхарадзе æмæ Европайы интеграцийы комитеты сæрдар Леван Махашвили  Румынийы сæйраг сахар Бухаресты официалон визитæй сты.
Гуырдзыстоны парламенты пресс-куыст куыд хъусын кæны афтæмæй, делегацийы уæнгтæ Румынийы сенаты сæрдар Мирчеа Абрудеанимæ æмæ депутатты палатæйы æддаг ахастыты комитеты уæнгтимæ фембæлдтæ сарæзтой.
Сæ ныхасмæ гæсгæ, фембæлдты ныхасы сæйраг темæтæ уыдысты Румыни æмæ Гуырдзыстоны æхсæн дыууæфарсон ахастыты динамикæ.
Дискусси Сау Денджызы æдасдзинады фарстатæм дæр бацыд, се æхсæн АИШ æмæ Уæрæсейы æхсæн цæугæ бадзырдтæ Украинæйы фарстайы фæдыл æмæ куыд Гуырдзыстоны афтæ дæр Румынийы æдасдзинадыл сæ æндæвдад.
Фембæлдыл æруынаффæ кодтам алы нысаниуæгджын фарстайыл, се æхсæн Гуырдзыстоны оккупацигонд регионты уавæр, Евроцæдисы рауæрæх æмæ Гуырдзыстоны Евроцæдисмæ баиу кæныны процесс. 2030 азы», – райхъусын кодта Николоз Самхарадзе.
Визиты фæлгæтты ма уагъд æрцыд фембæлд экономикæйы, цифронизацийы, амалхъомдзинады æмæ туризмы министрады паддзахадон нымæрдар Даниэла Николаескуимæ. Фембæлдыл бакастысты стратегион проекттыл, сæ нымæцы Гуырдзыстон æмæ Румынийы иугæнæг Сау Денджызы дæлдон телы проектыл, афтæ дæр астæуккаг къæлидоры райрæзтыл æмæ йæ потенциалæй æххæстæй спайда кæныны фарстайыл.