Сомихыстоны премьер-министр Никол Пашинян ног Католикосы æвзæрстыты организаци кæныны тыххæй координацион къорды саразын фæндон бахаста. Уый фæдыл социалон хыз Facebook-ы ныффыста.

«Активон къахдзæфтæ хъуамæ акæнæм Сыгъдæг Эчмиадзины патриархийы ссæрибар кæныны æрдæм æмæ ног Каталикосы æвзæрстыты организацийы æрдæм.Ацы этапыл хъуамæ саразæм координацион къорд, цæмæй боны фæткы уæвæг организацион фарстатæ æрбæстон кæнæм», – фыссы Пашинян.

Никол Пашинян банысан кæны, цæмæй координацион къорды фыццаг дæс уæнг йæхæдæг равзардзæн. Уый фæстæ къорд йæхæдæг сбæрæг кæндзæн йæ рауæрæхдæр кæныны фæтк, структурæ æмæ æндæр фарстатæ.

Зæрдыл уын æрлæууын кæндзыстæм, цæмæй Сомихыстоны премьер-министр Никол Пашинян хъусын кæны, цæмæй Гарекин Дыгкаг фехæлдта целибаты ард æмæ йын ис сывæллон. Пашиняны хъуыдымæ гæсгæ,  апостолон аргъуаны канонон закъонмæ гæсгæ, Гарекин Дыккагæн нæй гæнæн уа епископ, архиепископ æмæ нæй гæнæн уа католик дæр.

«Уый факт у, æмæ кæд алцыппæт нæ сæттынмæ хъавы, уæд уый æз сбæлвырд кæндзынæн æнæмæнгхъæугæ форматы», – ныффыста Сомихыстоны премьер-министр Никол Пашинян.