«Тбилисы финансон саммит» официалонæй абон, 23 октябры, Тбилисы оперæ æмæ балеты паддзахадон театры байгом ис. Саммит ацы аз фыццаг хатт уагъд цæуы æмæ арæзт цæуы «Æфсæнвæндаджы форумы» фæлгæтты.
Мадзал байгом кодта Гуырдзыстоны националон банкъы президент, Натиа Турнава. Уазджытæн Гуырдзыстоны премьер-министр, Ираклий Къобахидзе, Гуырдзыстоны парламенты сæрдар Папуашвили Шалва æмæ экономикæ æмæ æнæфæцудгæ рæзынады министр Мариам Квривишвили раарфæ кодтой.
«Символон у, цæмæй Тбилисы финансон саммит уагъд цæуы æппæтдунеон форумимæ параллелонæй, уымæн æмæ Гуырдзыстон ныридæгæн йæхи ныффидар кодта куыд тыхджын регионалон центр базарадон, транспортон æмæ энергетикæйы секторы, æмæ уымæ гæсгæ нæ бæстæ ахсы сæйраг роль Европæ æмæ Азийы æхсæн бастдзинады æрдгæй.Ацы рæстæгмæ ис æнæмæнгхъæуындзинад æмæ уæлæмхасæн, цæмæй Гуырдзыстон суа ахæм финансон центр», -расидтис Натиа Турнава.
Йæ ныхасмæ гæсгæ, Тбилисы финансон саммиты æморганизатортæй иу у Глобалон финансон æмæ технологиты хызæг (GFTN), кæцы финансон технологиты фадыджы раззагдæр æппæтдунеон хызæг у æмæ иу кæны финансон уагдæтты, финтех-компаниты æмæ инвесторты европæйаг æмæ азиаг бæстæтæй.
«Æхсызгон мын у, цæмæй Гуырдзыстон ныр баиу вæййы ацы раззагдæр глобалон платформæмæ» – расидтис Гуырдзыстоны националон банкъы президент.