Гуырдзыстоны æмбырдгонд 2024/25 азы сезоны къордон этапы æртыккаг матч Украинайы ныхмæ Польшæйы, Познаны ахъаздзæн. Фембæлд 22:45 сахатыл райдайдзæн æмæ фыццаг канал комкоммæ репортаж равдисдзæн.

Нациты лигæйы къорд B1-ы уавæр

Алыхуызон уавæрты æмбырдгæндæтæ фембæлдзысты Познаны. Сергей Ребровы тыхст, фæлæ курдиатджын къорд æмæ Вилли Саньолы къорд рæзы, кæцы Евро 2024-æй фæстæмæ æрфидар ис.

Ребровы фæлтæрд  æмбырдгондæн, Евро-2024-ы фыццаг туры Румынийы ныхмæ (0:3) риссаг æмбылды фæстæ уавæрæй рацæуын нæ бантыст. Евро-2024-ы къордæй рацæуын нæ бантыст æмæ Нациты Лигæйы ног сезон райдыдта æвзæр, æмбылд Албанийæн (1:2) æмæ Чехийæн (2:3).

Гуырдзыстоны иугонд æмбырдгонд  Европæйы чемпионаты сæрхъызойты зæрдæтæ рæсугъд футболæй балхæдта. Æнтыстджын турниры фæстæ Саньолы командæ йæ тыхтæ нæ фæфæстиат кодта æмæ Нациты Лигæйы Чехийы (4:1) æмæ Албанийы (1:0) басаста.

Дыууæ туры фæстæ, Гуырдзыстон 6 баллимæ лдер у  B1 къорды турнирон ранывæзты. Украинæ фæстаг бынатыл ис æнæ баллтæй.

Гуырдзиаг сæрхъызойтæ

Гуырдзыстоны æмбырдгонды æмæ «Краковы» гуырдзиаг капитан Какабадзе Отар ныфс дары, цæмæй Познаны стадион йедзаг уыдзæн æмæ трибунæйыл бирæ гуырдзиæгтæм æнхъæлмæ кæсы. Развæлгъау информацимæ гæсгæ, трибунæйыл фондз дзуарджын тырысаимæ иууыл къаддæр 6000  сæрхъызойы фендзыстæм.