Гуырдзиаг сæны продуктты бынæттон базары рапарахат кæныны паддзахадон программæйы фæлгæтты, Тбилисы Мтацминдайы паркы «Ног сæны фестиваль» уагъд æрцыд.

Сæны националон агентад, Гуырдзыстоны алфæмблайы хъахъæды æмæ хъæууон хæдзарады министрадимæ иумæ, паддзахадон программæ дыккаг аз æххæст кæны. Программæйы фæлгæтты æнæхъæн бæстæйы масштабæй уагъд цæуынц сæны равдыстытæ, конкурстæ, фестивалтæ, кæцы нысаниуæгджын у гуырдзиаг сæны популяризацийæн, сæны туризмы потенциалæн, æмæ сæны фæлхасгæнæг культурæйы рæзтæн.

«Ног сæны фестиваль» «Сæны клуб» 2010 азæй организ кæны æмæ йæ нысан у традицион гуырдзиаг къвеврийы сæны популяризаци, ног хуызтæ æмæ сæндуæттæ раргом кæнын, Гуырдзыстоны сæны ахуырады æмвæзад фæбæрзонддæр кæнын, фæлхасгæнæг культурæйы рæзын кæнын. Ацы аз фестивалы æвдыст æрцыд 170 сæны бæрц 2024 азы тыллæгæй куыд чысыл, астæуккаг æмæ стыр рауадзæгæй. Мадзал традиционæй райдыдта къвеврийы байгом кæныны церемонийæ.

Зæгъын хъæуы уый, æмæ фестивалы масштабтæ афæдзæй-афæдзмæ кæй рæзынц. Традиционæй йæм гуырдзиаг æмæ фæсарæйнаг сæны профессионалтæ æмæ энтузиастæ Гуырдзыстонæй æмæ дунейы æндæр æмæ æндæр бæстæтæй цæуынц.