Молдовайы оппозицион блок «Уæлахиз» президентон æвзæрстыты æмæ референдумы фæстиуджытæм хъаст кæнынмæ хъавы.

Оппозицион блокы уæнгты ныхасмæ гæсгæ, Молдовайы президент, Майя Санду, президентон æвзæрстыты æмæ европæйаг интеграцийы фæдыл референдумы «европæйаг æвзарæн фадгуыты сайды æмæ масштабон хæлдтыты руаджы бæллиццаг фæстиуæг баххæсыд». Сæ ныхасмæ гæсгæ, проевропæйаг политик фактонæй «æртæ хатт фæхæрд».

Блок «Уæлахиз» нымайы, цæмæй Уæрæсейы æмæ Ныгуылæны молдоваг диаспорайы минæвæрттæн хъæлæс дæттыны процесс æнæбары уавæрты сырæзт.

Сæ ныхæстæм гæсгæ, Уæрæсейы Федерацийы цæры сеппæтæй стырдæр молдоваг диаспорæ, фæлæ дзы байгом æрмæст дыууæ æвзарæн фадыджы, Европæйы бæстæты дæр уыд дæсгай æвзарæн фадгуытæ, фæлæ бирæтæ уыдысты дзæгъæл. Оппозици закондæттæн æмвæзадыл «ацы æнæраст практикæйы» скуынæг кæнын домы.

«Уæлахизы» блокы минæвæрттæ Молдавийы президенты схуыдтой «сайгæнæг» æмæ загътой, зæгъгæ, уый «хицаудзинад байста».

«Санду бæстæйы мидæг фембылд ис æмæ хъуамæ ацæуа», – зæгъынц оппозиционертæ.