«Гуырдзиаг Бæллиццы» æндæр æмæ æндæр антидемокративон акцитæ фехæлдтой АИШ-Гуырдзыстоны стратегион партнерады бындурон принциптæ, цæй фæстиуæгæн, АИШ ацы механизм æрурæдта – уый фæдыл АИШ-ы паддзахадон департаменты пресс-спикеры расидæны ис фыст , Мэтью Миллер, кæцы ныммыхуыр ис департаменты веб-фарсыл.

Расидæны банысангонд у, цæмæй АИШ сиды Гуырдзыстоны хицауадмæ, æрыздæха йæ евроатлантикон фæндагмæ, æргомæй сбæрæг кæна парламентон æвзæрстыты алы хæлдтытæ æмæ скусын кæна антидемокративон закъæттæ, кæцытæ арæн кæнынц æмбырды æмæ ныхасы сæрибардзинад.

«Гуырдзиаг Бæллиццы  æскъуыддзаг Гуырдзыстоны Евроцæдисмæ баиу кæныны процессы фæуромыны фæдыл, ныхмæлæуд кæны гуырдзиаг адæмы ныфсæвæрдæн Евроцæдисмæ æмæ НАТО-мæ æххæст интеграцийы фæдыл, кæцы конституцийы фиксиргонд у. Гуырдзыстоны Евроцæдисмæ бацæуыны процесс урæд кæнгæйæ, «Гуырдзиаг бæллиц» Европæимæ æнгомдæр бастдзинæдты гæнæндзинад не сразы æмæ Гуырдзыстоны Кремлы æрдгæй фылдæр æнæхъахъхъæд скодта.

Гуырдзиаг адæм Европæимæ интеграцийæн йæ фарсыл хæцынц. АИШ æфхæры полицийы æгæр тыхæй спайда кæнын гуырдзиæгты ныхмæ, кæцытæ архайынц сæ æмбырд æмæ ныхасы бартæй спайда кæнын, се æхсæн сабырадон протесты сæрибардзинад. Сидæм алы партимæ, цæмæй æххæст кæной протесттæ сабырадонæй.

«Гуырдзиаг бæллиц»-ы æндæр æмæ æндæр антидемократон архайдтытæ фехæлдтой нæ АИШ-Гуырдзыстоны стратегион партнерады сæйраг принциптæ, кæцытæ бындуриуæг кæнынц иумæйаг аргъдзинæдтыл æмæ хæслæвæрдтыл демократийы, барады уæлдæрдзинады, æмбæстагон æхсæнады æмæ коррупцийы ныхмæ тохы адæймаджы бартæ æмæ бындурон сæрибардзинæдты кад кæныныл тыхархайд. Уый фæстиуæгæн АИШ æрлæууын кодта ацы механизм.

Ноджы иу хатт сидæм Гуырдзыстоны хицауадмæ, æрыздæха йæ евроатлантикон фæндагмæ, æргомæй сбæрæг кæна парламентон æвзæрстыты алы хæлдтытæ æмæ скусын кæна антидемокративон закъæттæ, кæцытæ арæн кæнынц æмбырд æмæ ныхасы сæрибардзинад», -ис фыст фидиуæны.