Микрофинансон организацитæн микрокредиты лимит абонæй дыууæ хатты фæфылдæр уыдзæн.

Сæрмагондæй, йæ тыхы бацæуы микрофинансон организациты фæдыл закъонмæ æмбæлон ивæндзинад, кæцымæ гæсгæ микрофинансон организациты æрдыгæй иу кредитрайæгæн лæвæрд кредитон лимит 100 000-æй 200 000 ларийы онг сырæзы.

Националон Банкъ куыд бамбарын кодта, афтæмæй микрофинансон организацитæн уыдзæн фадат сæ клиенттæн ног продукттæ æмæ лæггæдтæ бавдисын. Уымæй дарддæр ма, регулятор куыд æмбарын кæны, афтæмæй ацы къахдзæф дæр фæахъаз уыдзæн секторы сæндидзынæн.

Уæ зонындзинæдтæн, микрофинансон организацитæн микрокредиты арæн фæстаг хатт ивд æрцыд 2017 азы, уæд 50 000-æй 100 000 ларийы онг схызт.

Гуырдзыстоны регистрацигонд у 29 микрофинансон организаци, кæцыты æмтгæйон кредитон портфель у 2 миллиард лари. Уыдонæй кредитты 95% цæуынц хицæн адæймæгтæм. Æфтиæгтæм та цы хауы, 2024 азы, 2023 азимæ абаргæйæ, æфтиæгтæй процентон æфтиæгтæ фæфылдæр сты 31 милуан ларийы, 463 милуан ларийы онг. Уымæй дарддæр ма, микрофинансон организацитæ ивгъуыд азимæ абаргæйæ 134 милуан ларийы сыгъдæг æфтиаг райстой, кæцы 2023 азы æфтиагæй 8 милуан ларийы фылдæр у.