Гуырдзыстоны президент Михаил Хъавелашвили Турчы Республикæйы стыр националон æмбырды президент Нуман Куртулмушимæ фембæлд. Уый фæдыл информаци президенты администраци парахат кæны.

Уагдоны информацийæ, æнæкомкоммæ фембæлды рæстæджы, фарсытæ Гуырдзыстон æмæ Туркы æхсæн уæвæг дыууæфарсон æмæ бирæфарсон ахастытыл æмæ æндæр æмæ æндæр фадыджы æмкуыстдзинад фæарфдæр кæныны перспективæтыл фæныхас кодтой.

Президент  бузныг расидтис туркаг фарсæн Гуырдзыстоны суверенитет æмæ территорион æнæхъæндзинады фарсылхæцындзинады тыххæй. Гуырдзыстоны президенты ныхасмæ гæсгæ, гуырдзиаг фарсæн цымыдисон у дыууæ бæстæйы æхсæн бæрзонд рангы стратегион æмкуыстдзинады советы ноджы иу фембæлд ауадзын.

Фембæлды рæстæджы хъусдард здæхт уыд  регионы уæвæг уавæрмæ. Гуырдзыстоны президент куыд банысан кодта афтæмæй, Гуырдзыстон йæ фарсыл хæцы Хуссар Кавказы сабырадон æмцæрды формулæйæн æмæ кæддæриддæр æвдисы йæ цæттæдзинад регионы сабырад æмæ конструктивон æмкуыстдзинады парахат кæныны процессмæ бахæссын. Михаил Хъавелашвили банысан кодта, цæмæй хорзыл нымайы Азербайджан æмæ Сомихыстоны æрдыгæй æнæфæцудгæ сабырады æрфидар кæныны фæдыл къахдзæфтæ, кæцытæ хъуамæ ахъаз кæной регионы сабырад æмæ стабилондзинады æрдæм змæлдæн.

Фембæлдыл æдасдзинады фарстыты контексты Уæрæсе-Украинайы конфликтыл фæныхас кодтой. Фарсытæ дыууæ бæстæйы æхсæн экономикон æмкуыстдзинады фарстатыл æруынаффæ кодтой. Михаил Хъавелашвилийы ныхасмæ гæсгæ,  бæстæты ‘хсæн уæвæг регионалон æмæ стратегион нысаниуæг кæмæн ис, уыцы проекттæ эффективон æмкуыстдзинады, æнæфæцудгæ рæзынады æмæ æууæнкджын партнерады ирд цæвиттон сты. Гуырдзыстоны президент йæ бинойнагимæ иумæ Анкарайы официалон визитæй ис. Визиты фæлгæтты Михеил Хъавелашвили Турчы Республикæйы президент Реджеп Тайип Эрдогъанимæ фембæлд. » – ис фыст президенты администрацийы парахатгонд информацийы.