Æнæзаконон миграцийы ныхмæ тохы фæлгæтты мидхъуыдтæгты министрады миграцион департаменты кусджытæ Тбилисы, Зугдиды, Кобулеты æмæ Батумы иммиграцион контролы сæрмагонд мадзæлттæ сарæзтой. Вазыгджын мадзæлтты фæстиуæгæн ахст æрцыд 53 фæсарæйнаг æмбæстаг, се æхсæн Кенийы, Угандæйы, Индийы, Туркменистаны, Филиппинты, Кубæйы, Иорданийы, Уæрæсейы, Турчы, Ганайы, Зимбабвейы æмæ Эфиопийы æмбæстæгтæ.

Арæзт мадзæлтты фæлгæтты Управленийы кусджытæ сбæрæг кодтой æндæр æмæ æндæр нысанæн конкретон бынæттæ æмæ объекттæ, кæцыты нысан уыд Гуырдзыстоны æнæ барадон бындуртæй чи баззад, уыцы фæсарæйнаг æмбæстæгты рабæрæг кæнын.

Сбæрæг ис, ахст адæймæгтæ бæстæйы кæй уыдысты, Гуырдзыстоны «Фæсарæйнæгты æмæ æнæпаддзахадон адæймæгты юридикон уавæры тыххæй» закъоны снысангонд домæнтæ хæлгæйæ.

Ацы рæстæгмæ ахстгондтæ сты миграцион управленийы рæстæгмæ цæрæнуæтты центры. Бæстæйæ сæ арвысты  тыххæй цæуынц æмбæлон процедурæтæ.