Парламенты алфамбылай митинг ахызт закъонæй сфидаргонд нормæтæй, митингы хайадисджытæ барадхъахъæнджыты æрдæм аппæрстой алыгъуызон объекттæ, цæй фæстиуæгæн фæцæф сты мидхъуыддæгты министрады æртæ кусæг. Пъæлицæйæгтæ бавнæлдтой закъонæй снысангонд мадзæлттæм æмæ спайда кодтой сæрмагонд фæрæзæй – дзырдæуы уый фæдыл мидхъуыдтæгты министрады расидæны.

Мидхъуыддæгты министрады сидынц митингы алы архайæгмæ дæр, цæмæй æнæзакъон архайдтытæ ма кæной æмæ барадхъахъхъæнджыты амынддзинæдтæ æххæст кæной.

«Парламенты алфамбылай цæугæ архайд ахызт нормæтæй, кæцытæ снысан кодтой Æмбырды æмæ манифестацийы фæдыл закъонæй. Æнæкæсгæ бирæ сидтытæм, кæцытæ бынатыл барадхъахъæнджытæ сарæзтой, афтæ дæр мидхъуыдтæгты министрады æрдыгæй арæзт официалон хъусынгæнинæгтæм, митингы хайадисджытæ барадхъахъхъæнджытæн физиконæй ныхмæлæуд кæнынц æмæ дзыхæй æфхæрынц. Афтæ дæр сæ рдæм аппæрстой алыгъуызон объекттæ, цæй фæстиуæгæн фæцæф сты мидхъуыддæгты министрады æртæ кусæджы. Уыдонæй дыууæйы раивтой медицинон уагдонмæ. Уавæр фæрогдæр кæныны тыххæй пъæлицæйæгтæ æрæвнæлдтой закъонмæ гæсгæ ныффидаргонд мадзæлттæм æмæ спайда кодтой сæрмагонд фæрæзæй.

Иу хатт ма сидæм митингы алы архайæгмæ дæр, цæмæй æнæзакъон архайдтытæ ма кæной æмæ барадхъахъхъæнджыты амынддзинæдтæ æххæст кæной. Науæд мидхъуыддæгты министрад архайдзæн закъонæй йын лæвæрд мандаты фæлгæтты æмæ спайда кæндзæн Гуырдзыстоны закъондæттынадæй снысангонд тыхмийы мадзæлттæй, се æхсæн Гуырдзыстоны «Пъæлицæйы фæдыл» закъонæй снысангонд сæрмагонд фæрæзтæй, – ис фыст мидхъуыддæгты министрады сидынц.