Гуырдзыстоны мидхъуыддæгты министрады организгонд фыдракæндты ныхмæ тохы æхсæнведомствойон координацион советы æхсæзæм рабадт сырæзт. Фембæлды сæрдариуæг кодта мидхъуыддæгты министры хæдивæг Александр Дарахвелидзе. Уый фæдыл информаци мидхъуыддæгты министрад парахат кæны.

Министрады информацимæ гæсгæ, рабадты рæстæджы советы уæнгтæ æруынаффæ кодтой бæстæйы уæвæг уавæрыл организацигонд фыдракæндты ныхмæ тохы æрдгæй, афтæ дæр паддзахадон уагдæтты ‘рдыгæй фыдракæнды ацы категорийы ныхмæ тохы мадзæлттæ æмæ къухы цы фæстиуджытæ ис, уыдоныл.

«Фарсытæ йæ фарсыл рахæцыдысты уыцы документтæн, кæцытæ координацион советы фæлгæтты кусæгон къордты активон бастдзинадæй арæзт æрцыдысты, сæрмагондæй та 2025-2028 азтæн организгонд фыдракæндты ныхмæ тохы националон стратеги æмæ 2025-2026 азтæн архайæн пълан, кæцытæ Гуырдзыстоны хицауадмæ æввахс рæстæджы сбæлвырд кæнынмæ бавдыст æрцæудзæн.

Координацион советы рабадтыл хайад истой: Гуырдзыстоны сæйраг прокуроры хæдивæг, финансты министры хæдивæг, ахуырады, зонады æмæ фæсивæды министры фыццаг хæдивæг, юстицийы министры хæдивæг, афтæ дæр мидхъуыдтæгты министрады æмæ æндæр паддзахадон уагдæтты къухдариуæггæнджытæ» -ис фыст МХМ-йы расидæны.