Уырыссаг нефтыл  импорты санкцион  плантыл  Евроцæдисы бæстæтæ æнхъæлцау  компромиссыл кусынц, цæмæй  бацагурой  фæндаг,  райсой  Венгрийы  премьер-министр, Виктор Орбаны разыдзинад, –  уый фæдыл  рауагъдад «Политико»  дипломаттыл æнцойæ  хъусын кæны.

Рауагъдад фыссы, цæмæй  фæстаг иу мæйы  дæргъы  венгриаг   лидер  блокировкæ скодта  бадзырд  уырыссаг   хом нефты æмæ рафиниргонд  артагы   импорты тобæйы  фæдыл  уыцы мотивæй, ома  ахæм архайд  уæззау  цæф уыдзæн  Венгрийы  экономикæйæн.

Уæвæг  хъусинæгтæй,   ныр   дипломаттæ  тæрхон кæнынц вариантыл, кæцы  фенцондæр кæндзæн   сæрыфыццаг   æнхъарæн  уырыссаг нефты  алыгъуызон   импорты æххæст тобæйы фæдыл  æмæ уый бæсты рæстæгмæ  уæддæр, æрмæст  денджызон   наутæй  лæвæрд  фæстауæрцтæм уыдзæн  здæхт хъусдард.  Уый  денджызмæ рацæуæнæй  цух  Венгрийæн ратдзæн  фадат, адарддæр кæна  уырыссаг  хом нефты æлхæнын   хæтæлвæды фæрцы.

Рауагъдад куыд  фыссы афтæмæй,  хицæн дипломатты дзырдæй,   кæцыфæнды компромиссион план  деталтыл уыдзæн баст æмæ   цыфæнды уæлвæтк  хъуамæ  уа «куыд гæнæн ис,  афтæ уынгæг æмæ  дырыс»  бадзурынæн.  Ацы æрдæмадæй, нефтыл  эмбаргойæ  хæтæлвæдтæ «ссæрибар кæнын»   нысан кæны, цæмæй  чысыл  бæрц уæнг-бæстæтæ» «сæхимæ райсдзысты энергетикон  санкциты æндæвдады уæз».

Ацы  фарстыл рауагъдад  «Блумбергы» информацийæ,  Евроцæдисы æнхъарæн у, цæмæй  арæн скæной  Уæрæсейæ  денджызы уылты   импорт,  хæтæлвæды  фæрцы та энергопродуктты импортмæ  нырма   ивдтытæ ма баххæсса, цæмæй  Венгрийæ   разыдзинад  райсой.