Францы президент  Эмануэл Макрон  бæстæйы сæйраг политикон ипартиты лидертимæ Украинайæн фарсхæцыны   фарстайыл фæныхас кота.

«Гардиан» куыд фыссы афтæмæй, ивгъуыд къуырийы  Макроны  фидиуæнæн – ома  Украинамæ  ныгуылæн  сурзæххон æфсæдды  арвитын  цух  нæ у стыр резонанс уыдис. Францы  оппозицион партиты лидертæ  Макроны ацы фидиуæн бафаудтой.  Нæкæсгæ уымæ  Францы  президент  хъусын кæны  цæмæй  Украинайы æфсæддон  фарсхæцыны  райрæзын кæнын æнæмæнгхъæугæ у.

Абоны фембæлдыл  Макрон   францаг   политикон   партиты минæвæрттæм Паризы  ивгъуыд   къуырийы уагъд  æхсæнадæмон   конференцийы  фæстиуджытæ базонын кодта, кæцыйы рæстæджы  европаг   лидертимæ   Украинайæн æххуысы  фарста  æркастис.

Оппозицион лидертимæ фембæлды онг  Макрон  афтæдæр  фæныхас кодта Францы  раздæры президенттимæ, Франсуа Оландимæ æмæ  Николя Саркозиимæ.

Елисейы галуаны  уагъд бадзырдты  фæстæ Франсуа  Оланд  бахахх кодта Укрианайæн фарсхæцыны  æнæмæнгхъæуындзинад, фæлæ йæ дзырдæй  зæгъгæ  «францаг æфсæддæттæ   хæстон архæйдтытæм ма хъуамæ баиу уой».

Фарстыл зæгхгæ раз у æви нæ уый  Макроны фидиуæнимæ  цæмæй Укрианамæ æфсæдды арвитын цух ма хъуамæ  уа,  Оланд   афтæ сдзуапп кодта: «Цас цъус  дзурдзыстæм  уый йас  хуыздæр у».

Францы  закъондæттæг оргæны  Украинаимæ баст стратгеийы, уый нымæцы  февралы  Париз æмæ Киевы æхсæн  бафыст   æдасдзинады  фæдыл бадзырды, иннæ  къурийы æркæсдзысты.