Польшæйы америкæйаг ракетæты ныхмæ хъахъхъæнынады базæйы байгом ядерон тæссагдзинады æмвæзады рæзтмæ æркæны – уый фæдыл брифингыл Уæрæсейы æттаг хъуыдтæгты министрады официалон минæвар Мария Захарова расидтис.

Мария Захарова АИШ-ы æрдыгæй Польшæйы снысангонд базæ байгом кæнын провокацион къахдзæфæй саргъ кодта.

«Ай у ноджы иу æргом провокацион къахдзæф америкæгты дестабилизацигæнæг архæйдтыты, сæ æмцæдисонтæ Цæгат Атлантикон альянсы, стратегион сферæйы. Ацы къахдзæф æмбæлы НАТО-йы инфраструктурæйы Уæрæсейы арæнтæм хæстæгдæр кæныны рагон деструктивон практикæимæ. Уый объективонæй æркæны стратегион стабилондзинады фехæлдмæ æндæр æфсæддон-политикон, æфсæддон-техникон характеры зианхæссæг мадзæлттимæ иумæ. Уый æнæмæнгæй æркæны стратегион рискъты фæтыхджындæр кæнынмæ æмæ, уый фæстиуæгæн, ядерон тæссагдзинады иумæйаг æмвæзады рæзтмæ», -расидтис Захарова.

Захаровайы ныхасмæ гæсгæ, Польшæйы ракетæты ныхмæ хъахъхъæды базæ бафтыд потенциалон æхстыты приоритетон нысæнтты номхыгъдмæ.