Гуырдзыстоны  премьер-министр  Мамука Бахтадзе,   æввахс  фидæны   “цъæх экономикæйы”  райтынгы   стратегийы  презентаци сараздзæн –  уый фæдыл   премьер, абон  Тбилисы   транспортон  политикæйы  презентацийы   райхъусын кодта.

Йæ  ныхæстæм гæсгæ,    цъæх экономикæ зæгъгæ у  хицауады  абсолютон    приоритет.

Премьер куыд банысан  кодта афтæмæй,  стратегий  бавдысты  рæстæджы,   уый  фæныхас  кæндзæн алцы  компонентыл.

«Цæй  зæгъын æй хъæуы,   ацы  стратегийы,   Тбилисæн  ис   уникалон роль.  Мах ахицæн  кодтам,   цæмæй  тынг   нысаниуæгджын   финансон   ресурс  рахицæн кæнæм  бæстæйы  централон бюджетæй, цæмæй  Тбилисы  æввахсдæр  мæйты   дæргъы,   принципонæй  раивæм   уыцы  экосистемæ,   кæцы  баст  у  æнæхъæнæй  транспортон системæимæ,   кæцы  у  тынг æнæэффективон»,- райхъусын кодта   премьер.

Уый   бур автобусты   раивыны  нысаниуæгы æрдæм  раздæхта  хъусдард.

«Бур автобус иу  уæ рæзты  куы  ацæуы, уæд  уæхи нымæры  цы ахъуыды кæнут,  уыцы  ахаст  æз зонын. Æз дæр афтæ  хъуыды кæнын.   Бауырнæт уæ,   ацы  проблемæ аскуыддзаг кæнын  иу кæнæ дыууæ къуыримæ гæнæн нæ уыд. Фæлæ  уыцы  графикъ,  кæцыйы нын  мэрий  банхъарыд, æцæгæй дæр тынг   амбицион у.  Размæцыд бæстæты  сæйраг сахартæн  дæр,  æгæр зын кæны  афтæ  цыбыр æмгъуыдты   раивын  сæ  транспортон  фæрæзтæ.     Тбилисы мэрий  та   сараздзæн  централон    хицауады  æххуысæй», – райхъусын кодта  премьер-министр.

Мамука Бахтадзе  Тбилисы  мэр Каха Каладзейæн  æмæ мэрийы  кусджытæн  ног  транспортон  политикæйы   куысты тыххæй   бузныг расидтис æмæ сын  æххуыс  аныфсвæрдта.