Гуырдзыстон-Азербайджаны  стратегион партнерад, регионалон  нысаниуæгы  иумæйаг  транспортон  æмæ инфраструктурон   проектытæ  æмæ экономикон  цæдисты  фæарфдæры  перспективæтæ  æркастысты  Гуырдзыстоны премьер-министр Мамука Бахтадзе  æмæ  Азербайджаны  президент  Ильхам Алиев  фембæлдыл, кæцы  абон  Давосы   дунейы  экономикон  форумы  фæлгæтты   сырæзт.

Фæрстæ  дыууæфарсон ахастыты  алы сæйраг  ардæмадыл æрныхас кодтой. ХЪусдард здæхт æрцыд  базарады  ноджы фылдæр   райрæзын кæныны  перспективæйыл æмæ  Гуырдзыстон æмæ Азербайджаны  бизнесты æхсæн   бастдзинад  фæактивондæр кæныныл.

Бахахх кодтой  транспортон инфраструктурæйы  райтынгы  нысаниуæг æмæ уыцы  потенциал,   кæцы ис,  Централон Азийæ  уаргъты  æрбаласыны цæстæнгасæй,   куыд Гуырдзыстонмæ – афтæ Азербайджанмæ.

Гуырдзыстоны премьер-министр  æмæ Азербьайджаны   президент   фæныхас кодтой TANAP-ы  проектыл тыххæй,   афтæдæр  бæстæты  транзитон  потенциалæй ноджы  фылдæр  активонæй   спайда  кæныны  æнæмæнгхъæуындзинадыл.

Банысан ис  Баку-Тбилис-Хъарсы  æфсæнвæндагон  проекты нысаниуæгджын роль  ацы æрдæм.  Фембæлдыл  Гуырдзыстоны æрдгæй  уыд  Гуырдзыстоны  фæсарæн хъуыддæгты министр  Давит Залкалиани.