Гуырдзыстон, Хуссар Кавказы хуызæн, райста бындурон 10 процентон тариф. Уыцы къуымæй мах раздæр стæм америкæгтæй, уымæн æмæ нæ базарадон зилдухмæ куы æркæсæм, уæд импорт 90 процентæй чысыл фылдæр у -расидтис Гуырдзыстоны парламенты Евроинтеграцийы комитеты сæрдар Махашвили Леван.

Æндæр ныхæстæй, Трамп йæ политикæ цæмæн райдыдта, уый сæйраг нысан у дисбаланс, кæд æмæ фæсарæйнаг бæстæтæ æнæзакъонæй спайда кодтой Америкæйы æввахс фæлмæн политикæйæ, – банысан кодта Леван Махашвили.

АИШ-ы президент Дональд Трамп æндæр æмæ æндæр бæстæтæн цы тарифтæ снысан кодта, уыдон сты 10%-æй 49%-ы онг. Уымæй дарддæр ма Трамп Евроцæдисæн тарифтæ 20% æмæ Иугонд Паддзахадæн та 10% снысан кодта. АИШ-ы президент куыд банысан кодта афтæмæй, тарифтæ баххуыс кæндзысты АИШ-ы экономикæйы сног кæнынæн. Трамп афтæдæр æрæвæрдта 25% тариф æппæт фæсарæйнаг конд машинæтыл.