Куы нæ бахатыдысты, цæмæй хицауады хæдтæхæгыл Украинæмæ æрвитæм барвæндонты, Уæрæсейы ныхмæ санкцитæ æрæвæрæм æмæ бæлвырд дзуапп райсæм, уæд нын ничи радта гаранти, цæмæй уый нæ расайдзæн уæрæсейаг дзуапп, кæцы нæ бæстæйы æдасдзинадæн тæссаг уавæры æвæрдзæн – уый фæдыл Гуырдзыстоны фæсарæн хъуыддæгты министр Мака Бочъоришвили испайнаг рауагъдад El MUNDO-имæ интервьюйы райхъусын кодта.

Мака Бочъоришвилийы ныхасмæ гæсгæ, Украинæйы хæсты райдайæны фæстæ, Гуырдзыстон серьозон æлхъывдады бын бахауд, кæцы бæстæйы националон æдасдзинад рискъы бафтыдта.

«2022-æм азы Украинæйы хæсты райдайæны фæстæ, Гуырдзыстон серьозон æлхъывдады бын бахауд, кæцы тæссаг уыд нæ националон æдасдзинадæн æмæ æвзæрын кодта Уæрæсеимæ ног конфликты рискъ.Мах лæмбынæг анализ сарæзтам ацы кампаниты фæстæ лæууæг тыхтæ.Куы нын æрдомдтой хицауадон хæдтæхæгыл Украинæмæ барвæндонты арвитын, Уæрæсейыл санкцитæ æрæвæрын æмæ райсын бæлвырд дзуапп, уæд нын иу гаранти дæр нæ ратта спровокаци кæнын уæрæсейаг реагирдзинад, кæцы нæ бæстæйы æдасдзинад æвæрдзæн рискъы бын.