Уæрæсе нырма дæр нæ разы кæны йæ æхсæнадæмон хæстæ æххæст кæныныл, æнæкæсгæ æхсæнадæмон тæрхондæтты уынаффæтæм, кæцытæ Уæрæсейы аххосджын кæнынц оккупацийы æмæ адæймаджы барты цæугæ хæлдтыты тыххæй, – уый фæдыл Гуырдзыстоны фæсарæн хъуыддæгты министр Мака Бочъоришвили расидтис.

Бочъоришвилийы ныхасмæ гæсгæ, Гуырдзыстоны хæс сабырадон уагæй территорион æнæхъæндзинад сног кæнын у. Мака Бочъоришвили Гуырдзыстоны хицауады сабырадон политикайыл хъусдард сцырын кодта.

«Фыццаджыдæр мæ фæнды бузныг зæгъын Мальтæйæн, 2024 азы ОБСЕ-йы сæрдар кæй уыд æмæ нæ абон кæй фысым кодта, уый тыххæй. Зæгъæн ис, æмæ æрдæг æнусы рацыд, Хельсинкийы кæронбæттæн акт куы сбæлвырд кодта.Мæ бæстæ ссис ацы нормæты хæлды фыццаг амæттæгтæй иу, кæцыйы фæстиуæгæн Уæрæсейы æрдыгæй Гуырдзыстоны территорийы 20 проценты окупаци æрцыд. Гуырдзыстоны, Уæрæсейы агрессивон архæйдты адарддæр у Украинæйы хæст, кæцы сеппæтæй стырдæр тæссагдзинад хæссы Европæйы æдасдзинадæн.

Гуырдзыстоны дыууæ регионы, Абхаз æмæ Цхинвалы  регионы оккупаци æмæ уым Уæрæсейы æнæзакъонон æфсæддон уæвынад абон дæр даргъ кæны æмæ æдасдзинады сæйраг æркуырд æвдисы. Этникон сыгъдæгдзинад, гибридон хæст, адæймаджы барты æппæты фыддæр хæлд, æфхæрд æмæ лæгмарды трагикон факттæ, сæдæгай мин мидæггагон æрцæуæггæгтæ, кæцытæ дæсгай азты дæргъы цæрынц сæ хæдзæрттæм æрыздæхыны ныфсæй, ист къахдзæфтæ аннексийы æрдæм ацы дыууæ регион, уыдон сты уыцы фæстиуджытæ, кæцытæ æмрæнхъ цæуынц уырыссаг оккупациимæ.

Хъыгагæн, 2008 азы Евроцæдисы æххуысæй æхсты фæурæды бадзырд нырма дæр нæ æххæстгонд цæуы. Евроцæдисы цæстдарæг миссийæн 2008 азæй фæстæмæ фадат нæ уыд лæвæрд йæ мандат æххæстæй сæххæст кæна æмæ оккупацигонд территоритæм бацæуæн нæй. Уæрæсе дарддæр кæны нæ разы кæнын йæ æхсæнадæмон хæстæ æххæст кæныныл, æнæкæсгæ æхсæнадæмон тæрхондæтты  уынаффæтæм, кæцытæ Уæрæсейы аххосджын кæнынц оккупацийы æмæ цæугæ адæймаджы барты хæлдтыты тыххæй.

Гуырдзыстоны хæс сабырадон æгъдауæй территориалон æнæхъæндзинад сног кæнын у. Нæ сабырадон политикæйæн ис дыууæ здæхт, деоккупаци æмæ оккупацион хаххæй дихгонд æхсæнадты бафидауын. Ацы цæстæнгасæй, Женевæйы æхсæнадæмон бадзырдтæ баззайынц нысаниуæгджын механизмтæй иуæй. Гуырдзыстон аргъ кæны йæ партнерты фарсылхæцындзинадæн, нæ суверенитет æмæ бæстæйы территорион æнæхъæндзинады фарсылхæцындзинад куы æрцæуы ныхас» -расидтис Бочъоришвили.

Мака Бочъоришвилийы ныхасмæ гæсгæ, нысаниуæгджын у, цæмæй Уæрæсе-Гуырдзыстоны конфликты сабырадон фæндæгты агуырд активонæй ис ОБСЕ æмæ æндæр æхсæнадæмон организациты боны фæткы.

«Æхсызгонæй райсæм ОБСЕ-йы финнаг сæрдардзинад æмæ ныфс дарæм, цæмæй сæрдары визит Гуырдзыстонмæ иннæ азы райдайæны сæххæст уыдзæн.

Сеппæтæй вазыгджындæр æдасдзинады фарстытæм æнæкæсгæйæ, Гуырдзыстонæн бантыст нысаниуæгджын трансформаци саразын æмæ экономикон æмæ демокративон размæцыды æрдгæй уынгæг прогресс баххæсын. Уый бæлвырд кæнынц æхсæнадæмон рейтингтæ æмæ репортажтæ», – расидтис Бочъоришвили Мака.

Уыимæ иумæ министр  банысан кодта, цæмæй «бæстæйы æттаг политикæйы курс, кæцы здæхт у европон интеграцимæ, хъыгагæн арæх свæййы политикон спекуляциты темæ æмæ активонæй пайда кæнынц бæстæйы мидæг поляризаци фæарфдæр кæнынæн».

«Уый бæстæйы стабилондзинад æмæ æдасдзинадæн уæлæмхас тæссагдзинад æвзæрын кæны. Фæнды мæ ацы фадатæй спайда кæнон æмæ ноджы иу хатт ирдæй банысан кæнон, цæмæй абон Гуырдзыстонæн ис ахæм хицауад, кæцы сарæзта сеппæтæй фидар бындур Гуырдзыстоны европон фидæны æнæфæстæмæздæхæндзинадæн æмæ иузæрдионæй баззад йæ хæстæн европон интеграцийы фæдыл.

Ацы рæстæгмæ Евроцæдис Гуырдзыстонимæ баиу кæныны бадзырдты райдайæны фæдыл æскъуыддзаг нæ райста, уый тыххæй дæр Гуырдзыстоны хицауады æрдыгæй Евроцæдисимæ бадзырдты фæурæды фæдыл расидæнтæ раст не сты.

Абон, куыд Евроцæдисы уæнгдзинады кандидат бæстæ, æххæстæй зонгæ стæм Евроцæдисы политикон уынаффæты нысаниуæгдзинадимæ æмæ æнхъæлмæ кæсæм, цæмæй ацы процессæй спайда кæндзыстæм политикон манипуляцитæн нæ фæлæ диалог æмæ реалон интеграцийæн.

Коллегæтæ, мæ фæнды ноджы иу хатт банысан кæнон, цæмæй хъæуы бахъахъхъæнын уыцы уагæвæрдтæ, кæцытыл бындуриуæг кæны ацы организаци. Фæнды мæ ацы фадатæй спайда кæнон , кæцы Гуырдзыстоны хицауады æрсидтæй парламентон æвзæрстытæм кæй кастысты.

Æнæкæсгæ уымæ æмæ Гуырдзыстоны 2 милуан æмбæстаг æнæпрецедентон стыр нымæц дунеон æмæ бынæттон цæстдарджыты уæвгæйæ сæхи æвзæрст сфиксир кодтой, æвзæрстытимæ баст спекуляцитæ нæ æрлæууынц.

Мах ма уынæм архайдтытæ, цæмæй фæкъаддæр уа ОБСЕ/ОДИР-ы роль æмæ йæ архайды æмæ аргълæвæрдты нысаниуæг. Ацы архайдтытæй спайда кæнынц Гуырдзыстоны искусственон политикон кризис æмæ дестабилизаци саразынæн. Æнхъæлмæ кæсæм, цæмæй ОБСЕ/ОДИР-ы кæронбæттæн хатдзæг бындуриуæг кæндзæн объективон аргълæвæрдтыл æмæ нын фадат ратдзæн дарддæр кусын æмæ æмгуыстад кæнын рекомендацитыл.