Европайы лидертæ иннæ къуыри Гуырдзыстоныл фæныхас кæндзысты, ныфс мæ ис, цæмæй ацы дискусси уыдзæн объективон реалондзинадыл бындурæвæрд æмæ Евроцæдис уынаффæтæ хæсгæйæ рæдыд æнкъарæнтæй разамынд ма уа – расидтис Гуырдзыстоны фæсарæн хъуыддæгты министр, Мака Бочъоришвили.

Мака Бочъоришвили Венгрийы премьер-министр Петер Шияртоимæ иумæйаг пресс-конференцийыл куыд расидтис афтæмæй, Гуырдзыстон бузныг зæгъы Венгрийæн, куыд Евроцæдисы сæрдар бæстæ, фидар фарсылхæцындзинады тыххæй.

«Фæнды мæ ноджы иу хатт бузныг зæгъон Венгрийæн йæ фидар фарсылхæцындзинады тыххæй, куыд Евроцæдисы сæрдариуæггæнæг бæстæ. Парламенты уæнгæй мын фадат фæцис Венгрийы президентады организгонд парламентон мадзæлтты хайад райсынæн. Ацы фадатæй мæ фæнды бузныг зæгъон парламенты мæ коллегæтæн, кæцытæ Гуырдзыстонæн æнæфæцудгæ фарсылхæцындзинад равдыстой. Кæронбæттæны ноджы иу хатт бузныг зæгъын уын, господин министр, æмæ мæ ныфс ис, цæмæй нæ æнгом æмкуыстдзинад фæахъаз уыдзæн Гуырдзыстон æмæ Венгрийы æхсæн æмахастыты ноджы фæарфдæр кæнынæн», – райхъусын кодта Мака Бочоришвили.

Гуырдзыстоны æддаг хъуыддæгты министр Мака Бочъоришвили Венгримæ уазæгуаты ис.