Майданыл 2014 азы марындзыинады хъуыддагыл æрфæрсдзысты Гуырдзыстоны дыууæ æмбæстагы
Киевы, 2014 азы февралы, мйаданыл æхсты хъуыддагыл гæнæн ис, Гуырдзыстоны дыууæ æмбæстагы æрфæрсой. Информацийы уый фæдыл хъусын кæны украинаг телекомпани «112» . Телекомпанийы хъусинагæй, тæрхондон, гуырдзиаг «Снайперты» видеобастдзинады фæрцы æрфарсты фæдыл куырдиатимæ сразы ис. Гуырдзыстоны æмбæстæгты æрфæрсын домтта, Украинæйы спецназы «Беркут»-ы раздæры уæнгты адвокат Александр Горошински. Адвокаты ныхæстæм гæсгæ, Майданыл марындзинады хъуыддаджы дыууæ æвдисæн – Александре Ревазишвили æмæ Къоба Нергадзе цæттæ сты æвдисæндзырд раттынмæ.
Адвокаты бæлвырдмæ гæсгæйæ, ацы адæймæгтæ уыдысты æвдисæнтæ, куыд æхстой снайпертæ Майданыл уæвæг митингæнджытыл, афтæ барадхъахъхъæнджытыл. Александр Горошинскыйы ныхæстæм гæсгæ, Киевы 2014 азы февралы æрцæугæ зындгонд фæзындты рæстæджы Ревазишвили æмæ Къоба Нергадзе, фысымуат «Украина»-йы æмæ консерваторийы бæстыхæйтты уыдысты.
Украинаг медийы информацийæ, иргъæвæг фарсы куырдиатимæ сразы ис прокуратурæ дæр. Прокуррор Янис Симонов райхъусын кодта,ц æмæй ахæм æрфарст у нысанæмраст, уымæн æмæ гæнæн ис рабæрæг уа 2014 азы 20 февралы фæзындтæ. Симоновы ныхæстæм гæсгæ, Украинæйы генералон прокуратурæ Гуырдзыстонмæ æмбæлон æхсæнадæмон-барадон æркуырд ныридæгæн рарвыста.
Киевы 2014 азы 20 февралы æхсты фæстиуæгæн, Майданыл уæвæг 53 адæймаг фæмард, уыдонæй 49 акцийы хайадисджытæ æмæ 4 барадхъахъхъæнæг.