Мæ хъуыдымæ гæсгæ,  оппозици  плебисциты  фембылд уыдзæн, –  уый фæдыл парти «Æмбæстæгты»  иуæй-иу лидер Леван Иоселиани Европаг   Советы   президент Шарль Мишелы, сæрмагонд минæвар  Кристиан  Даниелсонимæ  фембæлды размæ райхъусын кодта.

«Знон изæр мæммæ радзырдтой, ома абон  сæумæрайсом  фембæлд кæй  ацыдаит, уый тыххæй.   Æрбацыдтæн, ныфс мæ ис,  цæмæй  фæстагмæ  разыдзинадмæ  æрцæудзыстæм.   Даниелсон ам кæй  баззадис,  уый дæр уый амонæг у,  цæмæй  ис фарстæтæ, кæцытыл  позицитæ кæрæдзимæ баввахс  сты.  Уымæй  фылдæр информаци мæм нæй, куы рацæудзынæн, стæй   ратдзынæн конкретон комментари.

Ныры онг цæй  кой  кодтон, уыцы  фарстыл  ноджыдæр кæндзынæн ныхас – ай  у  тæрхондæтты реформæйы  гæнæндзинад ацы  бадзырды фæлгæтты, кæцы у  иттæг нысаниуæгджын   фарст æмæ мæ хъуыдымæ гæсгæ, ацы  фарстæйы  фæуадзын  гæнæн нæй.  Тæрхондæтты  реформæ , æндæр  типы бадзырдтæй  бирæ  нысаниуæгджындæр у.

Плебисцит  дзæбæх идеяйыл нæ нымайын, фæлæ  кæд оппозици сразы  уыдзæнис, уæд сæхæдæг аскуыддзаг кæнæт. Мæ  хъуыдымæ гæсгæ  уый оппозицийæн у  æвзæрст амæлттæй  сеппæтæй  æвзæр, уымæн æмæ плебисциты фембылд уыдзæн», – райхъусын кодта Иоселиани.

Гуырдзыстоны Евроцæдисы  минæварады офисы  Кристиан Даниелсонимæ фембæлдыл сты, парти «Æмбæстæгты», «Лелойы-«  «Европаг Гуырдзыстоны», «Националон Змæлды»  «Стратегиа Агъмашенебелийы», «Гирчийы»  æмæ «Гирчи-Фылдæр Сæрибардзинады» уæнгтæ.