Абашидзе Лаша Гуырдзыстоны æфсæнвæндæгты къухдариуæг кæндзæн. Компанийы генералон директоры абон базонгæ кодтой Гуырдзыстоны фыццаг вице-премьер, экономикæ æмæ æнæфæцудгæ рæзынады министр, Леван Давиташвили æмæ министры хæдивæг, Гурам Гурамишвили.

Леван Давиташвили куыд расидтис афтæмæй, Лаша Абашидзейæн ис фæлтæрддзинад æфсæнвæндаджы секторы æмæ паддзахадон лæггады къухдариуæггæнæг бынæтты куысты, кæцы нысан кæны, цæмæй адаптацийы фазæ цыбыр æмæ эффективон уыдзæн. Леван Давиташвили Лаша Абашидзейæн Гуырдзыстоны æфсæнвæндаджы сæргълæууæджы бынатыл æнтыстытæ раарфæ кодта æмæ компанийы раздæры генералон директор, Давид Перадзейæн йæ куысты тыххæй бузныг расидтис.

“Æфсæнвæндаджы æнæкъуылымпыйæ куыстæн ис сæйраг нысаниуæг бæстæйы экономикæйæн. Уæлдайдæр та Астæуккаг къæлидоры райрæзты контексты. Нæ интерес у фæбæрзонддæр кæнын куыд транспорты бæрц, афтæ æфтиæгтæ дæр”, — банысан кодта фыццаг вице-премьер.