Сидын Гуырдзыстоны хицауадмæ, æвæстиатæй райдайа инклюзивон процесс алы æрдхорд, социалон архайджытæ æмæ æмбæстагон æхсæнады хайадистæй, цæмæй сырæза ахæм æвзарæнон уавæр, кæцы фадат дæтты демокративон ног æвзæрстыты ауадзынæн, кæцытæ æввахс мæйты хъуамæ расидтæуа , – уый фæдыл Латвийы Европарламентон депутат Занда Калнина Лукашевица Европæйы Советæн расидтис.
Йæ ныхæстæм гæсгæ, «демокративон æхсæнады, кæцы ис арф социалон кризисы, адекватон дзуапп у ног демокративон æвзæрстытæ ауадзын».
«26-æм октябры æвзæрстытæй фæстæмæ Гуырдзыстоны цаутæ, афтæ дæр æвзæрстытæ куыд уагъд æрцыдысты, уый ирдæй æвдисы, цæмæй ацы Ассамблейы æрдыгæй демокративон фæстæмæздæхты фæуромыны сидтмæ æнæхъусдард æрцыд, æмæ Гуырдзыстоны демократон фæстæмæздæхт дарддæр кæны æмæ æнæпрецедентон темптæй фæтагъддæр. Уый тыххæй хъæуы бæлвырд дзуапп æмæ ма бæлвырд рекомендаци, куыд хъуамæ æрæвæрæм ацы демокративон фæстæмæздæхт.
Гуырдзыстоны хицаугæнæг партийы æрдыгæй Евроцæдисмæ бацæуыны процессы урæд ныхмæвæрд у сæ æвзарæнон ныфсæвæрдтæн. Фæстæдæр демонстрантты ныхмæ æгъатыр тыхæй пайда кæнын, кæцы уыд æмбырдты сæрибардзинады барты хæлд, афтæ ма оппозици æмæ æмбæстагон æхсæнады æфхæрд, иууылдæр æркодтой арф социалон кризисмæ æмæ политикон æууæнк æмæ легитимондзинад бынтондæр фесæфынмæ уагдæттæ.
Æмбæстæгтæ æмæ хицауады æхсæн социалон контракт фехæлд. Уый ирдæй зыны уыцы протестон митингты, кæцытæ Тбилисы æмæ æндæр горæтты æрвылбон уагъд цæуынц. Ацы архайдтытæ фылдæр сты æхсæнады къухдариуæгадæй æмæ æнæнхъæлæджы. Кризисæй рацæуæн ссарын гæнæн нæй æнæ социалон архайджыты æмæ æмбæстагон æхсæнады бастдзинадæй. Демокративон æхсæнады, кæцы ахæм арф социалон кризисы ис æмæ æмбæстæгты æмæ хицауады æхсæн социалон контракт хæлд у, адекватон дзуапп у ног демокративон æвзæрстытæ ауадзын.