Китайы хицауады  специалон минæвар  Евразийы   фарстаты  ныццыд Украинамæ  æмæ  бæстæйы   хицауадæн сабырадон   план банхъарыд. Визиты фæлгæтты Ли Хуй, Украинайы президентæн,  Володимир Зеленскиимæ, Украинайы  фæсарæн хъуыддæгты министр, Дмитро Кулебаимæ æмæ бæстæйы  хицауады æндæр уæнгтимæ фембæлдис.

Украинайы  бæрзонддæр къухдариуæгадимæ  ныхасы Ли Хуй  бавдыста Китайы  позици   Украинайы хæст кæрон скæныны фæдыл, кæцы  æнцойæвæрд у Китайы лидеры, СИ Дзинпины   февралы бавдыст  «Сабырадон планыл».

Китайы хицауады специалон минæвар банысан кодта, цæмæй Пекин цæттæ у,  хайад райса  сабырадон   аскъуыддзагы процессы   йæ  планы бындурыл.

«Нæй панацея кризисæй  рацæуынæн, алы фарс  хъуамæ райдайæт    йæхицæй,   бакусæт  уавæртæ   хæсты кæрон скæнынæн æмæ сабырадон   бадзырдтæн», –   банысан кодта Ли Хуй.

Китайы  хицауады  минæвар афтæдæр фæуазæг уыдзæн   Польшæмæ, Уæрæсемæ, Германимæ æмæ Францмæ.