Фыццаг æнæмæнг æхсты фæурæд, уый фæстæ та сабырадон бадзырдтæ – уый фæдыл социалон хызæгты АИШ-ы президенты сæрмагонд минæвар Украинæйы Кит Келлог ныффыста.

Афтæ дзуапп ратта Келлог Уæрæсейы президенты фæндонæн Украинæимæ комкоммæ бадзырдтæ сног кæныны тыххæй. Келлог куыд зæгъы афтæмæй, Уæрæсе фыццаг хъуамæ сразы уа 30 боны æхсты фæурæдыл, цæй фæстæ дæр сабырадон дискусси уыдзæн гæнæн.

«Президент Трамп бирæ хæттыты куыд загъта, афтæмæй æрлæууын кæнут марындзинад!! Фыццаг æнæфæцудгæ 30 боны æхсты фæурæд æмæ уыцы рæстæджы дæргъы ахизут алыварсон сабырадон дискусситæм», – фыссы Кит Келлог.