Гуырдзыстоны  премьер-министр Ираклий Гъарибашвилийы визит  Хорватимæ у фыццаг  бæрзонд æмвæзады  визит  нæ бæстæты  ахастыты историйы, уый  та,  кæй зæгъын æй  хъæуы, у  нæ  ахастыты   ног этапы райдайæн, – уый фæдыл   Хорватийы Гуырдзыстоны минæвар Заза Гогсадзе   райхъусын кодта.

Минæвары  дзырдæй, «Хорвати æмæ Гуырдзыстон æнгæс сты, куыд   территорийы  фæзуатæй, афтæ  цæрджыты нымæцæй, иууыл ног  историон ивгъуыдæй, уый тыххæй  сæ фæлтæрддзинадимæ æрзонгæ кæнын  махæн иттæг нысаниуæгджын у».

«Хорвати активон  фарсхæцæг у  Гуырдзыстонæн  Евроцæдисы фæндагыл  æмæ ацы визитмæ  лæвæрд цæуы  егъау  нысаниуæг.  Цалдæр мæйы   размæ  сарызтам минæварад, локацийæ, Загребы æмæ ныры онг Будапештæй  куыстам æмæ план кæнæм ацы визиты рæстæджы   минæварады   официалон байгом, кæцыйы Гуырдзыстоны  премьер-министримæ иумæ,  хайад райсдзысты  Хорватийы  Республикæйы   премьер-министр  Андрей  Пленкович  æмæ Хорватийы æмæ Гуырдзыстоны фæсарæн хъуыддæгты министртæ, кæцы,  кæй зæгъын æй хъæуы,    уыцы  активон æмæ æнгом  ахастыты  амонæг  у, кæцы ис нæ бæстæты  æхсæн»,  –  райхъусын кодта минæвар.