Хельсинкы къамис публикаци кæны хыгъдлæвæрд «Уæрæсейы æрдгæй дæргъвæтин тæссагдзинæдтæм цæттæдзинад» сæргондæй, кæцыйы Гуырдзыстоны тыххæй дæр ныхас цæуы.
Хыгъдлæвæрды ис фыст, цæмæй Хуссар Кавказы регион, кæцыйы сконды сты Сомих, Азербайджан æмæ Гуырдзыстон, ныртæккæ сты сæ историйы ивæн рæстæджы, фадæттæ æмæ тæссагдзинæдты æхсæн.
«Гуырдзыстоны уавæр вазыгджын у. Бирæ азты дæргъы Гуырдзыстон Хуссар Кавказы нымад цыд æнæфæцудгæ ныгуылæйнаг фарсхæцæгыл, тырнындзинадимæ Евроцæдис æмæ НАТО-мæ бацæуынмæ. Фæлæ фæстаг рæстæджы цаутæ равдыстой, цæмæй Гуырдзыстоны хицауад «Гуырдзиаг Бæллиццы» сæргълæудæй æргомдæр антиныгуылæйнаг æмæ æнæлибералон позици райста. Ацы ивæндзинад фæбæрæг ис оппозицион архайджыты æмæ æмбæстагон æхсæнады организациты ныхмæ ист мадзæлтты, афтæ дæр Уæрæсемæ æввахсдæр кæныны фæлварæнты», -ис фыст хыгъдлæвæрды.
Хельсинкы комис фыссы, цæмæй хицауады ацы къахдзæфтæм æнæкæсгæйæ, Гуырдзыстоны цæрджыты фылдæр хай нырма дæр фидарæй хæцы Европæмæ æмæ НАТО-мæ интеграцийæн, кæцы хицауад æмæ адæмы æхсæн карз ныхмæлæуд аразы.
АИШ-ы архæйдтыты тыххæй та, Хельсинкийы къамисы хыгъдлæвæрды банысангонд у, цæмæй АИШ хъуамæ райса дывæрон ахасты стратеги. Уый йæ зæрдыл дары куыд Гуырдзыстоны хицауады бæрндзинад демократион фæстæмæздæхты тыххæй, афтæ дæр ныгуылæйнаг институттимæ арф интеграцийы механизмты фæндон, кæцы баст уыдзæн демокративон хицауиуæгады æрыздæхтыл.
«Ахæм стратеги гæнæн ис ахъаза Гуырдзыстоны хицауад æмæ йæ цæрджыты æхсæн хицæндзинæдты фæкъаддæр кæнынæн, кæцы кæны фылдæр стабилон æмæ конструктивон ахастыты сырæзтмæ. «Закъондæттæн инициативæтæ, куыд Хельсинкийы къамисы сæрдар Уилсоны дыууæпартион «Хæлардзинады акт», кæцы АИШ-ы фарсылхæцындзинад демокративон реформæтимæ бæтты, гæнæн ис æмæ суой Гуырдзыстонимæ АИШ-ы ахастыты фидæны политикæйы модел», –  Хельсинкы къамисы хыгъдлæвæрды дзырд цæуы.