Хъазахстаны парламент  дыууæ  байхъуыстæй  сæйраг сахар  Астанайæн йæ  ном  «Нурсултанæй»   раивынæн рахæцыд  йæ фарс.

Æмбæлон  уынаффæ парламент рахаста  дыууæдæр палатæйы    иугонд рабадтыл.

Сæйраг сахарæн  раздæры президенты  Нурсултан Назарбаевы ном раттныы инициативæйæ рацыд, Хъазахстаны президенты хæстæ рæстæгмæ æххæстгæнæг  Касим-Жомарт  Токаев.  Ныр Токаев парламенты  сбæлвырдгонд документыл йæ къух  хъуамæ  бафысса.

Уыйимæ иумæ, Токаев  хъæугæйыл нымайы, цæмæй Нурсултан Назарбаевы   ном  æвæрд æрцæуа  Хъазахстаны  регионон центрты  алы  сæйраг уынгыл.  Хъазахстаны  президенты  хæстæ æххæстгæнæг  хъусын кæны, цæмæй   Назарбаев баззайдзæн   бæстæйы  иунæг иудадзыгкъухдариуæггæнæгæй, æмæ йæ хъуыдыйæн та уыдзæн приоритетон нысаниуæг стратегион  уынаффæтæ райсты рæстæджы.

Токаев  афтæдæр рацыд   Нурсултан  Назарбаевы цырт сæвæрыны инициативæйæ.

Касим-Жомарт  Токаев Хъазахстаны президенты хæстæ, æвзæрстыты онг, кæнæ та  2020 азы апрелы онг æххæст кæндзæн.