Хъыгагæн, Гуырдзыстоны парламентон æвзæрстыты фæстæ цы цаутæ æрцыд, уыдон ноджы иу хатт рабæрæг кодтой регионы æнæфидар балансы уæвынад – уый фæдыл Туркы фæсарæн хъуыддæгты министр Хакан Фидан Турчы Стыр Националон Ассамблейы йæ ныхасы рæстæджы расидтис.

Туркы æттаг хъуыдтæгты министрады сæргълæууæг куыд банысан кодта афтæмæй, æртыккаг фарсы бастдзинад гæнæн ис ноджы вазыгджындæр кæна Гуырдзыстоны фæзындтæ.

«Ацы аз мах баххӕст кодтам зынгӕ прогресс 3+3 регионалон ӕмгуыстады платформӕйы райрӕзт ӕмӕ институционализацийы, кӕцы у конкретон проектты руаджы регионалон бӕрндзинады ӕмбарынады манифестаци», — банысан кодта Хакан Фидан.

Турчы фæсарæн хъуыддæгты министры ныхасмæ гæсгæ, Азербайджан æмæ Сомихыстоны æхсæн сабырад сифтонг кæныны процесс фæстаг этапыл ис.

Уымæй уæлдай ма Турчы æттаг хъуыдтæгты министрады сæргълæууæг куыд банысан кодта афтæмæй, Анкара йæ фарсыл хæцы Баку æмæ Ереваны æхсæн сабырадон процессæн.

«Хуссар Кавказы регионы ис сабырдзинады ныфсы тын, кæцы нæ бæстæйæн у ахсджиаг. Азербайджан æмæ Сомихыстоны æхсæн сабырад сифтонг кæныны фæстаг этапыл стæм. Сабырдзинад къухы куы бафта, уæд регион рæздзæн æмæ ног гæнæнтæ æрхæсдзæн. Турк æххуыс кæны ацы процессы алы тыхархайдæн. Нæ бæстæ йæ фарсыл хæцы бадзырдтæн, кæцытæ дыууæфарсон бындурыл цæуынц фарсыты æхсæн æнæ медиатортæй», -расидтис Хакан Фидан.