Индийы  администриргонд  Кашмиры   регионы  химарæг террористы бырсты  амæттаг фесты  34   æфсæддоны.

Ахæлиугонд   информацийæ,   æфсæддæтты   автобусты  колоннæмæ хæстæг  бырсæг  рæмудзæн  æрмæджытæй  ифтыгъд  автомобиль спырх кодта. Бырстыл бæрн йæхимæ систа  Пакистаны архайæг    исламистон  æфсддон къорд  «ДЖаиш-Э-Мохаммад».

Срæмыгъды  фæстиуæгæн  фæмардуæвджыты  нымæц гæнæн ис ноджы райрæза, уымæн æмæ бирæ  цæф  æфсæддоны уавæр  тынг уæззау у.

Индий  æфсæддон къордæн материалон æххуысы  азымджын кæны  Пакистаны.  Фылдæр хайæ  пысылмон цæрджытæй  Кашмиры регион  дæсгай  азты  дæргъы, Индий  æмæ Пакистаны  æхсæн быцæудзинады  бындур у. Фæнысангонд территорийыл  претензий ис дыууæдæр бæстæмæ.