Карол Навроцки Польшæйы президентон æвзæрстыты дыккаг туры фæуæлахиз ис – уый фæдыл польшæйаг меди, националон æвзарæнон къамисæй æнцойгæнгæйæ, хъусын кæны.

Бюллетенты 100% банымайгæйæ, кæронбæттæн бæрæггæнæнтæ сты ахæм: оппозицион рахизфарсон консервативон парти «Закъон æмæ рæстады» фарсылхæцæг Навроцкий хъæлæсты 50,9 процент райста, хицаугæнæг партийы кандидат, Варшавайы мэр Рафал Часковски та 49,1 процент райста.

Польшайы медийы информацийæ, Часковскийæн 369 452 хъæлæсы бахъуыд, цæмæй фæуæлахиз уа.

Раздæр, Ipsos-ы ауагъд экзит-полы фæстиуджытæм гæсгæ, Варшавайы мэр Рафал Часковский æвзæрстыты 50,3 проценты хъæлæстæй раззагдæр уыд.

Польшæйы президентон æвзæрстыты дыккаг тур уый фæстæ сырæзт, 18-æм майы фыццаг туры хайадисæг 13 кандидатæй иу дæр нæ райста æнæмæнгхъæугæ нымæц хъæлæстæ, цæмæй фæуæлахиз уа.