Каталонийы раздæры сæргълæууæг сидт æрвиты Мадридмæ. Карлес Пуичдемон æрсидтис Испанийы хицауадмæ, Каталонимæ æрыздæхыны бар йын раттой. Пуичдемоны ныхæстæм гæсгæ, уый фæнды Барселонæмæ æрыздæхын æмæ Каталонийы ног сæргълæууæгы пост бацахсын.
Бакой уын кæндзыстæм, цæмæй Каталонийы раздæры лидер ныр Брюсселы уæвы. Испанийы уый азымджын кæнынц æнæзакъонон референдум ауадзыны æмæ йæ æрцахсын домынц.
«Фæнды мæ фыдыбæстæмæ æрыздæхын, уый Испанийы дæр хорз уаид. Æз дæн регионы сæргълæууæг æмæ кæд Испаний Каталонийы уагъд æвзæрстытæн кад кæны, уæд æз баззайдзынæн Каталонийы сæргълæууæгæй» – дзуры Карлес Пуичдемон.
Уый ноджы иу хатт æрсидтис официалон Мадридмæ, Барселонаимæ диалог райдайынмæ. Каталонийы 21 декабры уагъд æвзæрстыты фæстиæгæн, хицауады фылдæры хай баззадысты фæстæмæ сепаратистон тыхтæ.
