Гуырдзыстоны фæсарæйнаг агентты регистрацийы акт у бæстæйы демократийæн серьозон фæстæмæздæхт,– уый фæдыл Евроцæдисы фæсарæйнаг хъуыддæгты æмæ æдасдзинады политикæйы уæлдæр минæвар/Еврокъамисы вице-президент Кайя Калас æмæ рауæрæхдæр кæныны бадзырдты комиссар Марта Косы иумæйаг расидæны ис фыст.

Иумæйаг фидиуæны куыд ис фыст, афтæмæй Евроцæдис цæттæ у ахъуыды кæна Гуырдзыстоны æрыздæхт Евроцæдисы уæнгдзинады фæндагмæ, кæд æмæ хицауад райсдзæн æууæнкджын къахдзæфтæ демокративон фæстæмæздæхты фæстæмæ æркæнынæн.

«Гуырдзыстоны фæсарæйнаг агентты регистрацийы фæдыл акт у серьезон фæстæмæздæхт бæстæйы демократийæн. Фæстаг закъæттимæ иумæ эфиры æмæ грантты фæдыл, ацы закъоны райст у ноджы иу агрессивон змæлд Гуырдзыстоны хицауады æрдыгæй, цæмæй бауромой диссиденттæ, арæн кæной сæрибардзинæдтæ æмæ ноджы фæкъаддæр кæной фæзуат активисттæн, æмбæстагон æхсæнадæн æмæ хæдбар медиа. Гуырдзыстоны демокративон бындурты уæвынад æмæ йæ æмбæстæгты фидæн сæрибар æмæ гом æхсæнады.

Евросовет 2024 азы июны æмæ октябры уынаффæты сбæлвырд кодта, цæмæй ахæм архайд тæссаг кæны Гуырдзыстоны фæндаг Евроцæдисмæ. Баиу кæныны процесс дэ-факто æрлæууыд. Евроцæдис ноджы иу хатт сиды Гуырдзыстоны хицауадмæ, байхъусой сæ æмбæстæгты ирд домæнтæ демократи æмæ европæйаг фидæны тыххæй æмæ ссæрибар кæной алы æнæрастæй ахст журналистты, активистты, протестгæнджыты æмæ политикон лидерты. «Евроцæдис цæттæ у ахъуыды кæна Гуырдзыстоны æрыздæхт Евроцæдисы уæнгдзинады фæндагмæ, кæд æмæ хицауад сараздзæн æууæнкджын къахдзæфтæ демократон фæстæмæздæхты фæдыл. Бæрн ис æрмæстдæр Гуырдзыстоны хицауад», – ис фыст Кайя Калас æмæ Марта Косы иумæйаг фидиуæны.