Гуырдзыстоны парламенты   юридикъон фарстаты   комитеты  сæрдары   фыццаг хæдивæгæй  Гедеван Попхадзейы   сæвзæрстой.   Попхадзе  комитеты  сæрдары  хæстæ сæххæст кæндзæн.

Комитеты   сæрдар Эка Беселиа   юридикъон фарстаты   комитеты  сæрдары  постмæ   æртæ   кандидаты  бавдыста, Гедеван попхадзе, Леван Гогичаишвили æмæ  Руслан Погъосяны.

Халæппæрсты рæстæджы   Гедеван Попхадзе райста  æхсæз хъæлæс, Леван Гогичаишвили – 5, æрмæст Руслан Погъосян  та   иу.  Уый фæстæ   комитеты  сæрдар райхæлдта, цæмæй зæгъгæ  æхсæз  хъæлæс  æгъгъæд не сты, цæмæй  Гедеван Попхадзе  фыццаг туры   æрцыдаит æвзæрст постмæ,  æмæ уый тыххæй  сырæзт дыккаг тур.

Афтæдæр йæ ныхæстæм гæсгæ, дыккаг туры  æвзæрстыл нымад æрцыдаит  фылдæр хъæлæстæ чи райстаит уый.

Дыккаг туры  халæппæрсты  фæстиуæгæн Гедеван Попхадзе райста вд  хъæлæс, æрмæтс Леван Гогичаишвили та  иу  хъæлæс райста.

Халæппæрсты  хайад нæ истой    «Евроапаг Гуырдзыстоны»  уæнгтæ.  Фракци  Сæйраг Тæрхондоны  тæрхонгæнджыты  сæвзарынæн  юридикъон   комитетты кусæг къорды  саразын  курынц, кæцыйы бавдыст   уыдзысты коалицийы  «Хæдбар расттæрхонæн» бацæуæг фараст   æнæхицауадон  организацийы   минæвæрттæ,   афтæдæр адæмон барты  сæрыдзурæгы æмæ  Гуырдзыстоны адвокатты асоциацийы  минæвæрттæ.