Гуырдзыстоны  парламенты юридикъон фарстаты комитет æртыккаг хъусынæй, дыккагыл хъусыны æрыздæхгæ «деолигархизацийы фæдыл»  закъонопроект æркастис, кæцыйы  бавдыст сты  Венецийы Комиссийы   рекомендацитæ.

Закъонопроектмæ гæсгæйæ,  олигархыл нымад цæудзæн  гоймаг, кæд уый  хайад исы  политикон царды, медиафæрæзтыл йын ис æндæвдад æмæ йæм ис нысаниуæгджын экономикон ресурс.

Проекты фыст  сты  ис æртæ дæр критерийы  æмбарынгæнæнтæ.

Ивддзинадмæ гæсгæйæ,  гоймагы олигархыл банымады бар уыдзæн антикоррупцион  бюромæ Гуырдзыстоны хицауады бæсты.

Антикоррупцион  бюро хæсджын уыдзæн, æххæстаргъджын  иртасæн ауадзын, цæмæ рабæрæг кæн, у æви нæ гоймаг олигарх.

Антикоррупцион  бюройы гоймагы олигшархыл банымады  кæнæ  нæбанымады  фæдыл уынаффæ, тæрхондоны æрдгæй контролы  дæлбар у кæнæ та йыл ис гæнæн  бахъаст кæнын æмæ   уый фадат ис дыууæ инстанцийæ.

Гоймагы  олгархыл банымады фæдыл уынаффæ йæ  тыхмæ нæ бахиздзæн, цалынмæ  не  фæуыдзæн  тæрхоны хъуыддаг.

Юридикон комитеты сæрдар Анри Оханашвилийы дзырдæй,  Венецийы  Комиссийы рекомендацийы бындурыл,  законопроектæй ист æрцыд  олигархыл нымад гоймагæн бæрæг  тобæ: политикон партийы, æвзарæнон субъекты, æвзарæнон кампанийы, æмбырды æмæ манифестацийы  финансдзинады фæдыл.

«Уымæ æмбæлгæйæ  дæр, олигархыл нымад æмæ  реестры уагхд  гоймагæн  иунæг  тобæ  уыдзæн – приватизацион объекты  приватизацийы процессы, æлхæнæгæй  хайад райсыны  тыххæй тобæ» –  банысан кодта Анри Оханашвили.