Эстони хъусын кæны, цæмæй бæстæ хуыздæр цæттæ у Уæрæсейы агрессимæ, æнæхъæнæй НАТО-йæ. Уый фæдыл расидæн Эстонийы хихъахъæнады министр Ханно Певкур «Политикойæн» интервьюйы сарæзта.

Министр аргументтæй æрхаста æнæмæнгхъæугæ æфсæддон службæйы системæ æмæ фидар резервон тыхы структурæ, кæцы, Ханно Певкуры ныхасмæ гæсгæ, бахъуаджы рæстæджы тынг тагъд мобилизаци кæнæн ис.

Йæ ныхасмæ гæсгæ, бæстæйы регуляронæй уагъд цæуынц масштабон æфсæддон ахуыртæ æмæ НАТО-йы партнер бæстæты æфсæддон тыхтæ æнæрлæугæйæ сты дислокиргонд.

Уымæй дарддæр ма, куыд фыссы Politico, афтæмæй Эстонийы хихъахъæнады министр афтæ дæр аргълæвæрдта АИШ-ы плантæ Европæйы америкаг æфсæддон контингенты гæнæн фæкъаддæры фæдыл.

«АИШ-ы президент Дональд Трамп куы æвзæрст æрцыд, уæд уый райдианæй загъта, цæмæй Америкæйы æфсæддон уæвынад Европæйы фæкъаддæр уыдзæн», — банысан кодта Певкур.