Трампы организаци рапарахат кодта официалон расидæн йæ ног проекты фæдыл, Трампы мæсыг Тбилисы, кæцыйы ис фыст, цæмæй Трампы мæсыг Тбилисы, кæцыйы проект сарæзта дунейы стырдæр архитектурон фирмæ Генслер, уыдзæн æввахс 70 уæладзыджы бæрзæнд æмæ суыдзæн Гуырдзыстоны сеппæтæй бæрзонддæр бæстыхай.

Расидæны куыд банысангонд у афтæмæй, проекты баст уыдзысты гуырдзиаг компанитæ Archi Group, Biograpi Living æмæ Blox Group.

«Централон паркмæ æнæхин уынд æмæ престижон бынатæй, Тбилисы Трампы мæсыг уыдзæн бирæфункционалон комплексы центр, кæцы иу кæндзæн люксон цæрæн бынæттæ, премиум-дуканиты фæзуæттæ, дунеон къласы ресторантæ æмæ цардыуагæн лæггæдтæ», — дзырдæуы официалон расидæны.

Проектыл дзургæйæ, АИШ-ы президент Дональд Трампы фырт æмæ компанийы æххæстгæнæг вице-президент Эрик Трамп банысан кодта, цæмæй Тбилисы размæцыды проект компанийы «æппæтдунеонæй нымад бæрзонддæр стандарттæ» Гуырдзыстоны дæр сфидар кæндзæн. Уый загъта, зæгъгæ, йын æхсызгон у, проектыл æмгуыстад кæнын кадджын æмæ профессионалон аразджытимæ.