Иран  ракетон  хафт  ракодта, Иракъы дислоциргонд  дыууæ  æфсæддон объект,  кæцытыл  сты америкаг  æфсæддæттæ.

Ираны  «Исламы Революцийы хъарагъулы  корпусы» ахæлиугонд  куырдиаты  куыд дзырдæуы  афтæмæй,   уый  уыдис  Тегераны  æрдгæй, маст ист,  ирайнаг генералы Хъасем Сойлеманийцы   ликивдацийы  тыххæй.

Бырсты  фæстæ  ахæлиугонд  куырдиаты   Ираны  «Исламы Революцийы  хъарагъулы корпус»  фæдзæхсы АИШ-ы  алы æмцæдисоны,  кæцытæ  сæрмагонд базæтæм бауадздзысты  АИШ-ы æфсæддон  тыхты,   цæмæй  уыдон дæр мысанæй фестдзысты  Иранæн.

Ираны  ракетон хафт,  АИШ-æ цы  ирайнаг инæлар  Хъасем Солейманийы  ликвидаци скодтой, уый  йæ мадæлон сахары  куы  бавæрдтой, уый  фæстæ   сæххæст ис.

Ракетон хафты  мысан объектæй  ссис  æфсæддон-авиацион базæ   Аин ал-Асад.  Ацы  базæйæ америкæгæтæ  фыццаг хатт спайда  кодтой  2003  азы. Уый  фæстæ  та  ацы  базæйыл дислоциргонд   æфсæддæттæ,  террористон къорд «Исламы  Паддзахады»   ныхмæ хæцыдысты.  Ацы  базæйыл  службæ  кæнынц   1500  америкаг   æфсæддон.

Ноджы иу  æфсæддон объект,  кæцыйыл  Иран сæххæст кодта ракетон хафт, уы сахар Эрбилы  аэропорт.  Ахæлиугонд информацийæ,   Эрбилы  æрдæм   цалдæр  баллистикон   æмæ базырджын  ракетæ   фехстой, фæлæ  «CNN»-ы хъусинагæй,   сæ   хай  не срæмыгъд.

Ацы  этапыл  фæцæффуæвджыты  æмæ  фæмардуæвджыты  фæдыл  информаци нæ айхъусыт.  Уыййеддæмæ  телекомпани «CNN»-ы информацийæ, Ираны  сæххæст   ракетон хафты  фæстиуæгæн  фæцæф сты  иракъæгтæ.

АИШ-æ Ираны æрдгæй ракетон хафты размæ хъусын кодта, цæмæй  Æввахс Скæсæны  дислоциргонд  æфсæддон тыхтæ,  æххæстæй  цæттæ сты. Сæ  нымæцы   ацы  регионы  уæвæг зенитон-ракетон комплекс «Пэтриоттæ».

Ираны  ракетон  хафты фæстæ,  Урс Хæдзары  уæлвæтк  уынаффæйы  æмбырд  сырæзт, кæцыйы  АИШ-ы  хъахъъæнынады   нымæрдар, Марк  Эспер  æмæ  паддзахадон  нымæрдар  Майк Помпео  истой   хайад.  Уынаффæйы  фæстæ прессæйæн комментаритæ  нæ сырæзт.