Иугонд Араббаг Эмиратты  нефтехимион заводы  Ираны бабырсты  фæстиуæгæн  зынгсирвæзт æрцыд. Уый тыххæй фехъусын кодта хицауады пресс-службæ.

Сæ ныхæстæм гæсгæ, заводы хицау у компани «Боруж». Хъусынгæнинæгтæм гæсгæ, зынгсирвæзт ныппырхгонд дроны хауæны фæстиуæгæн сырæзт.

Заводы куыст урæд æрцыд æмæ специалисттæ бæрæг кæнынц зиæнттæ. Цæфты тыххæй хъусынгæнинæгтæ нæ уыд.

Инциденты агъоммæ, Иугонд Араббаг Эмиратты хъахъхъæнынады министрад фехъусын кодта, цæмæй Ираны ракетæтæ æмæ дронтæй иуæй-иутæ нейтрализацигонд æрцыдысты.

Иран Бахрейны нефты инфраструктурæмæ дæр æрбабырста.

Бахрейны националон нефты æмæ газы компанийы хъусын кæнынц, цæмæй танктæй иу Ираны æрбабырсты фæстæ ссыгъд. Зынгирвæзт ныридæгæн ахуыссын кодтой æмæ зианæн аргъ кæнынц.

Бахрейны нефтехимион компани Gulf Petrochemical Industries дæр фехъусын кодта ирайнаг дронты æрбабырсты тыххæй. Сæ ныхæстæм гæсгæ, промышленнон объектты цы зынгсирвæзтытæ æрцыд, уыдон ныридæгæн ахуыссын кодтой. Ацы цауы дæр цæфты тыххæй хъусынгæнинæгтæ нæ уыд.

Кувейты хицауад афтæ дæр фехъусын кодта ирайнаг дронтæй бабырсты тыххæй.

Сæ ныхæстæм гæсгæ, хъыгдард баййæфтой электростанцæтæ æмæ донсыгъдæггæнæн станцæтæ.

Бынæттон медийы информацийæ, ноджы иу дрон æрхауд Кувейты финансты министрады бæстыхайыл, кæцыйæн стыр материалон зиан расайдта.