Украинæйы цæуы хæст, скуынæгдзинад æмæ стыр зиæнттæ, æмæ уый ныхмæвæрдæн у хорз æмгуыстад европаг бюрократиимæ, фæлæ, бауырнæд уæ, уый украинаг адæмæн стыр удæнцой нæу, – уый фæдыл Гуырдзыстоны премьер-министр Ираклий Къобахидзе журналисттæн Батумы расидтис.

Премьер-министры ныхасмæ гæсгæ, «Гуырдзыстонæн бантыст ацы сценарийæ йæхи аиуварс кæнын, æмæ уый тыххæй дæр «Deep State» ныппырх кæнынц».

«Deep State» бафæдзæхста европæйаг структурæтæн, цæмæй Украинæйы хæст адарддæр кæной». Раздæр ацы процессы архайдтой америкаг структурæтæ дæр. Ныр «Deep State» æрмæстдæр европæйаг структурæтæн бахæс кодта Украинæйы хæст адарддæр кæнын. Афтæ вæййы организациты финанскæныны хъуыддаджы дæр. Америкæйы фæрæзтæ нал финанс кæнынц антипаддзахадон процесстæ, уыцы нымæцы нæ бæстæйы дæр, æмæ европæйаг структурæтæ сæхимæ райстой ацы уаргъ, кæцы тынг хъыгаг у. Раздæр нæм æхстой дыууæ фронтæй, ам дæр нын бантыст нæ национ интерестæ бахъахъхъæнын. Кæд æмæ антипаддзахадон архайдтытæ финансгонд цæудзысты европæйаг структурæтæй æмæ европæйаг бюрократийæ, уæд махæн уыдзæн нæхи дзуапп ацы хъуыддагæн дæр. Кæронмæ хъуамæ хъахъхъæнæм нæ национ интерестæ. «Deep State» ис йæхи интерестæ, «Deep State» уый тыххæй пайда кæны европон бюрократийæ, фæлæ махæн ис нæ националон интерестæ æмæ уыцы интерестæ хъахъхъæндзыстæм кæронмæ. Националон интерес у, цæмæй ма æрцæуа Украинæйы цы æрцыд, уый. Украинæйы уыд æмæ ис хæст, ныппырх æмæ стыр зиæнттæ. Кæй зæгъын æй хъæуы, уый æмбæлы европæйаг бюрократиимæ хорз æмгуыстадæй, фæлæ, бауырнæд уæ, уый украинаг адæмæн стыр удæнцой нæу. «Гуырдзыстоны махæн бантыст ацы сценарийæ, дыккаг фронтæй нæхи аиуварс кæнын æмæ уый тыххæй дæр «Deep State» нормализацигонд цæуы æмæ æмбæлон архайдтыты спайда кæнынц европон бюрократийæ», – расидтис премьер-министр.