Абон æртæ азы сæххæст Украинæйы хæсты райдайæнæй. Ай у æцæг трагикон датæ нæ хæлар бæстæ Украинæйы историйы, – уый фæдыл Гуырдзыстоны премьер-министр Ираклий Къобахидзе хицауады абоны рабадтыл расидтис.

Премьер ныфс расидтис, цæмæй Украинæйы тагъд рæстæджы сабырад сырæздзæн.

«Хæсты фæстиуджытæ тынг карз сты нæ хæлар бæстæйæн, нæ хæлар адæмæн». Бирæ адæм фæмард ацы хæсты фæстиуæгæн. Дæс милуаны онг украинаг систы æрцæуæггаг æмæ лигъдæттæ. Украинæйы территорийы 20 проценты ныртæккæ оккупацигонд сты Уæрæсейы Федерацийы къухы, йæ инфраструктурæ, экономикæ æмæ энергетикæйы сектор ныппырх сты. Украинæйы æддагон хæс хæццæ кæны экономикæйы 100%-мæ æввахс. Ацы азы бæрæггæнæн у 96%, афæдзы кæронмæ та ацы бæрæггæнæн ныридæгæн ахиздзæн 100%-æй.

Нæ зæрдæ зæгъы сабырдзинад нæ хæлар бæстæйæн æмæ хæларзæрдæ адæмæн. Фундаменталонæй нысаниуæгджын у, цæмæй уыцы процесс, кæцы райдыдта æмæ баст у Украинæйы сабырад сфидар кæнынимæ, æнтыстджынæй фæуа куыд гæнæн ис афтæ тагъддæр. «Ноджы иу хатт мæ фæнды зæгъон мæ ныфс, цæмæй нæ хæлар бæстæ Украинæйы тагъд рæстæджы сфидар уыдзæн сабырад», — загъта премьер-министр.